C Duh Kam Nih Rev. Bawi Lian Thawng A Sianlo Nak Kong A Ttial Mi Rel Cu Celh A Si Bak Lo

Jacob [Rev. Bawi Lian Thawng] Atu bantuk ngaihchiatnak thawng theih tuan ding cu ka ruat rih lo. Nang cu mi na kan daw, mi tlaihchan na thiam.

Hawikom caah zei tuah paoh nai nautat lo. Kei cu Lairam ah khua ka sa ve lo i a ka dawtu Daniel pa [Rev. Tluang Ceu] le nangmah nih ka tuanpiak chih ve ko ne u kan ti tawn hna. Nai lawm ve tuk tawn kha mu.

Bible sianginn [MIT] ah kan kalti lio ah a dang cu khua lei tlun kan i thawh caan ah nang cu Kanpalet khua zumtu hna sin ah tlawn naa thawh tawn.

Na dawtning hna kha kum 2015 ah an khua ka phak ve tikah Kanpalet Chin Baptist Association zunghmun cu nangmah nih na halhpiak mi hna a si kha an ka chimh.

Na cungah an i lawmh tuknak an ka chimh. Lai Baptist Church, Kalay ah Bawipa rian na tuan lio zong ah na fuh peng rih hna. An ngaih a chia tuk ve lai ee.

CRDP leikuang kong na chim ah na tha a nuam tuk tawn. Miphun hawi hna thanchonak caah na nun naa siang bak. Na nunnak in Thawngtha na chim. Ka thinlung tein kan upat zungzal tawn.

Hi vawlei nunnak hi tlaihchan peng awk a tha lo. Na kal tuan mi hi Nu Sem le a fale nih na caah a sunglawi tuk in in ruahpiak kho hna sehlaw cu, an ngaihchiatnak a nem deuh ko hnga.

Pathian nih an mitthli hnawt kho hna seh mu. Kan in philh kho lai lo, sianlo hawikom tha na si. C Duh Kam [Van Bawi Lian pa]