Line hau lon Thawngpang rel khawhnak Chinland News hi na phone ah rak install ve👈
(3/2023)
1 February 2023
Nihin 1 Nohawng 2023, zing ah Chinland Defense Force -Hakha, Chinland Defense Force -Thantlang le Chin National Army i bawm in khuachia umnak Rungtlang i ummi uico ralhrang hna cu Drone bomb hmang in Khuapau Dohthlennak kumhnih a tlin thawng kan va thanh hna.
Credit- War Office
Chinland Defense Force – Hakha
CDM a tuahmi zung riantuan minung 4,000 tluk kan rak si. Hriamtlaimi minung 3,000 tluk kan si. Hakha ah Chin State zung, district zung le township zung tiin a ummi hna rian an tuan kho lo. Mizapi nih ralhrang cozah nawl an ngai duh lo. CDF-Hakha nih ral voi 166 kan tu cang, ralhrang uico 510 kan fim hna i 222 kan hliamh hna. Hakha khuapi chungah kahdohnak voi 65 kan tuah cang.
Hakha peng ahcun ralhrang nih zeihmanh an tuah kho lo. Hakha khuapi zong caan rau lo te ah kan lak khawh cang lai.Kum hnih chungah ralhrang hna kut in mipi nunnak a liammi minung 14 an si, hliam a tuarmi minung 6 an si. Ralhrang kut in inn a kangmi inn 30 le a rawkmi inn 4 a si. Tlaih a tongmi minung 374 an si.
Mizapi hna mah inn le lo ah um ngam loin ral a hrialmi le harnak a tongmi tampi an um. Mipi ralkap chungin minung 19 nih ram le miphun caah an nunnak an pek i minung 41 nih hliamhma an tuar. Hi vialte hi kan ram le miphun luatnak ding caah an si.Ralhrang uknak a hram in a cah hlan tiang pehzulh in dothlennak kan tuah lai.
Ralhrang uknak kan cohlang lo. Ralhrang nih a tuahmi thimnak zong kan cohlang lo. A dikmi Federal Democracy a chuah hlan lo dothlennak kan tuah lai. Mizapi hna zong nan si khawhnak cio in hi dothlennak ah i tel ding in kan in sawm hna. Tutan raltuknak cu kan miphun le ram caah a hnu bik raltuknak a si. Hnulei kir awk zong a tha ti lo. Kan sungh ahcun zeitik hmanhah ralhrang ralkap uknak le miphun dang uknak tang in kan chuak kho ti lai lo. Kan ram le miphun luatnak cu kan dihlak tuanvo a si. Credit: CDF Hakha
Credit- This post First appeared on this Source Link
Leave a Reply