CNDF ralkap Pawl An i hruai ning a tlamtlin lo caah an Lutlai pawl an thleng hna

Line hau lon Thawngpang rel khawhnak Chinland News hi na phone ah rak install ve👈

CNDF Ralbawizik Salai Peter Thang cu CNDF in CNO ah aa thial cang. CNDF ralkap lutlai Peter Thang cu nihin February nikhat ah CNDF ralkap lutlai sinak in a chuak i, CNO AGS 3 ah a kai tiah theih a si. Hi konghe pehtlaiin Salai Peter Thang nih tuni thok in CNO AGS 3 dirhmun he mipi caah rian ka ttuan cang lai.

Tuanpi ding zate le mipi nan zaten in bawmbawi dingin nan kutza ka lo kai. Kan neh hlanhlo mah dinhmun ciar in kan do ding. Kan neh tengteng ding, tiah a chim. Hi konghe pehtlaiin CNO tuanvo ngeitu pakhat nih Peter Thang hi mifim cathiam kan rinhchanh taktak mi le politic a theimi a si i ralkap dirhmun ah siloin Politic dirhmun CNO ah kan harh tuk.

Curuangah CNDF in CNO ah a kaimi a si. CNDF lutlai thar zong zohfelnak kan tuah dih hnu ah mipi kan in theihter te hna lai. Kumthar a sibantukin CS dirhmun lawng siloin a dang thlennawn ding zong a um, Kan tthawn chinchin dingah a si tiah a chim chap. CNO cu politic dirhmun in Chin miphun le ram caah zalonnak atuahtu an si i, CNDF hi CNO i a ralkap an si.

Relchap. Pau Dothlennak Kum Hnih Tlin Cathanh. Nihin cu Min Aung Hlaing nih hramhram in uknak a laknak ni kum hnih a tling cang. Hi chungah lamzawhnak in siseh, CDM tuahnak in siseh, CDF-Hakha min in siseh, Hakha peng chungah kan ram le miphun luatnak caah tiin dothlennak kan tuah. Lam a zawhmi minung 50,000 tluk kan rak si.

CDM a tuahmi zung riantuan minung 4,000 tluk kan rak si. Hriamtlaimi minung 3,000 tluk kan si. Hakha ah Chin State zung, district zung le township zung tiin a ummi hna rian an tuan kho lo. Mizapi nih ralhrang cozah nawl an ngai duh lo. CDF-Hakha nih ral voi 166 kan tu cang, ralhrang uico 510 kan fim hna i 222 kan hliamh hna. Hakha khuapi chungah kahdohnak voi 65 kan tuah cang.

Hakha peng ahcun ralhrang nih zeihmanh an tuah kho lo. Hakha khuapi zong caan rau lo te ah kan lak khawh cang lai.Kum hnih chungah ralhrang hna kut in mipi nunnak a liammi minung 14 an si, hliam a tuarmi minung 6 an si. Ralhrang kut in inn a kangmi inn 30 le a rawkmi inn 4 a si. Tlaih a tongmi minung 374 an si.

Mizapi hna mah inn le lo ah um ngam loin ral a hrialmi le harnak a tongmi tampi an um. Mipi ralkap chungin minung 19 nih ram le miphun caah an nunnak an pek i minung 41 nih hliamhma an tuar. Hi vialte hi kan ram le miphun luatnak ding caah an si.Ralhrang uknak a hram in a cah hlan tiang pehzulh in dothlennak kan tuah lai.

Ralhrang uknak kan cohlang lo. Ralhrang nih a tuahmi thimnak zong kan cohlang lo. A dikmi Federal Democracy a chuah hlan lo dothlennak kan tuah lai. Mizapi hna zong nan si khawhnak cio in hi dothlennak ah i tel ding in kan in sawm hna. Tutan raltuknak cu kan miphun le ram caah a hnu bik raltuknak a si. Hnulei kir awk zong a tha ti lo. Kan sungh ahcun zeitik hmanhah ralhrang ralkap uknak le miphun dang uknak tang in kan chuak kho ti lai lo. Kan ram le miphun luatnak cu kan dihlak tuanvo a si. Credit: CDF Hakha