TAMPI IN SHARE USIH, THANTLANG RALHRANG 6 AN TLAIH KHAWH HNA

Line hau lon Thawngpang rel khawhnak Chinland News hi na phone ah rak install ve👈

CNA le CDF nih Thantlang um mi SAC ralhrang minung (6) cu a nung in an tlaih hna lawng si loin an Meithal le kuan pawl zong tam lak an lak piak hna tiah kan theih. Hi thil hi nizaan ah a cang mi a si, cu caah nihin ah SAC ralhrang nih Jet fighter hmang in Thantlang a rak kah nak hi a si lai tiah an zumhnak zong an kan chimh chih

Nizaan ah khan CNA le CDF Thantlang i bawm in Thantlang khuachung Ban-zung (Bank) ah a um mi SAC ralhrang cu an luh hnawh hna. Cu ahcun a nung in SAC ralhrang (6) an tlaih hna. Meithal an lak mi dihlak hi zuun (7) a si. Cun MA-7 Bomb Kuan 8 zong an lak khawh fawn. Meithal le MA-7 Bom kuan pin ah a nung hrim in SAC ralkap (6) zong an tlaih hna hi asi.

Cu caah a si theu lai, atuzing in SAC ralhrang nih Thantlang cu Jet fighter in an rak kah len hi asi” tiah thawngpang an kan pek ve hi asi.CNA le CDF Thantlang nih an tlaih mi hna SAC ralkhap an thilri cu Thantlang mipi zaam tak mi an rak fir mi pawl a si tiah an chim fawn. Atu hi Kalaymyo lei in Jet fighter a rak kai than. Cun Lamtuk lei zong in a rak kai than ti a si caah fak pi in thlacam hna usih.

Adang Relchap. CNDF Ralbawizik Salai Peter Thang cu CNDF in CNO ah aa thial cang. CNDF ralkap lutlai Peter Thang cu nihin February nikhat ah CNDF ralkap lutlai sinak in a chuak i, CNO AGS 3 ah a kai tiah theih a si. Hi konghe pehtlaiin Salai Peter Thang nih tuni thok in CNO AGS 3 dirhmun he mipi caah rian ka ttuan cang lai.

Tuanpi ding zate le mipi nan zaten in bawmbawi dingin nan kutza ka lo kai. Kan neh hlanhlo mah dinhmun ciar in kan do ding. Kan neh tengteng ding, tiah a chim. Hi konghe pehtlaiin CNO tuanvo ngeitu pakhat nih Peter Thang hi mifim cathiam kan rinhchanh taktak mi le politic a theimi a si i ralkap dirhmun ah siloin Politic dirhmun CNO ah kan harh tuk.

Curuangah CNDF in CNO ah a kaimi a si. CNDF lutlai thar zong zohfelnak kan tuah dih hnu ah mipi kan in theihter te hna lai. Kumthar a sibantukin CS dirhmun lawng siloin a dang thlennawn ding zong a um, Kan tthawn chinchin dingah a si tiah a chim chap. CNO cu politic dirhmun in Chin miphun le ram caah zalonnak atuahtu an si i, CNDF hi CNO i a ralkap an si.