THAWNGPANG TTHA TAKTAK A SI HIH, A SUNGLAWI KHOITUK

Dohthlennak Ah Aa Telmi CDM Tuahtu Cozah Rianṭuan Hna Cu Thlahlawh Tampi Pek Leng Ah Rank Kaiter An Si Lai – NUG. SAC ralkap uknak a doh i, CDM cawlcanghnak ah aa tel mi cozah rianṭuantu hna cu mipi ca ah ralṭha tein an dir ngam ti in NUG nih upat peknak cathanh a chuah.

Dohthlennak a dih hnu ah CDM tuahtu cozah rianṭuan hna cu an rank kaiter an si lai tiah NUG nih nihin February 1 ah cathanh a chuah.2021, February 1 ah SAC nih phungning lo in uknak a lak thawk in, nihin ni tiang a dikmi lam lei ah ralṭha tein a dir ngam i CDM cawlcanghnak ah aa tel mi cozah rianṭuantu hna cu dohthlennak a dih hnu ah National Honors Medal pek an si lai tiah NUG nih cun an langhter.

CDM tuahtu hna nih, uknak a lak thawk in an rak ṭuanmi rank cu nihin February 1 thawk in reng khat kaiter an si lai tiah a langhter.Cun, nica in cozah rian a rak ṭuan i CDM cawlcanghnak ah aa telmi hna zong nihin thawk in cozah rianṭuantu taktak ah fehter nan si tiah an langhter chih. SAC ralkap nih uknak a lak thawk in hlamlomi thlahlawh vialte zong dohthlennak a dih hnu ah a bu ning in pek nan si lai, tiah NUG cozah nih cun February 1 ah cathanh a chuah. Credit: The Chin Post.

Relchap Thawngpang dang. SAC Ralkap Nih Jet Fighter 2 Le Mi -35 In Thantlang A Kah!Nihin February 1, chun suimilam 11 hrawng ah SAC ralkap nih raltuknak Jet Fighter pahnih le raltuknak MI – 35 Helicopter pakhat in Thantlang khua ummi Chin ralkap pawl a kah hna, tiah kan theih.

Raltuknak vanlawng nih cun bomb voi 6 hrawng a thlak i MI-35 Helicopter nih Machine gun in a kan kah len, bomb a thlaknak hmun hi TBC Biakinn hrawng ah a si, tiah a hmunhma ummi pakhat nih The Chin Post a kan chimh.