GOOD NEWS. THAWNGPANG THA TAKTAK A CHUAK TTHAN HIH

Thawngpangtha taktak si. Kawhthaung ah Pyu Saw Htee hruaitu pahnihnak San Tin an kahthah. Tanintary ramthen Kawhthaung peng, Pyu Saw Htee hruaitu pahnihnak a simi San Tin cu an kahthah pin ah meithal M16 A1 pahnih le hriamnam an lak khawh rih tiah thanhnak an tuah.

Nizan January nikhat suimilam 6:20 ah MARAM khua ah a um mi Pyu Saw Htee hruaitu pahnihnak a simi San Tin cu a inn chungah mipi ralkap hna nih an luh hnawh i an kah thah, Meithal zun hnih le kuanbawm pakhat le kuanfang 28 cun namte pathum zong an lak rih tiahh theih a si.

An thahmi Pyu Saw Htee hruaitu pahnihnak San Tin ruak lak ah ralhrang kawlralkap hna cu motor pahnih in minung 60 hrawng khualei panh in an ra hna. Cu a rami ralhrang zong bomb an puah hnawh hna i ralhrang kawlralkap minung 8 an thih pin ah minung 6 hliam an tuar tiah an langhter.

Thawngpang dang.Nobel Peace Prize Pek Ding 5 Chung ah Kyaw Moe Htun Le NUCC An I Tel. 2023 Nobel Peace Prize ca ah thimmi cazin 5 lakah Myanmar ram aiawhtu Kyaw Moe Htun le NUCC an i tel ve, tiah theih a si.PRIO director Henrik Urdal nih, nuhrin covo lei cawlcangtu hna min cazin 5 cu nizan Febuary 1 ah a langhter, tiah kan theih.

Nobel Peace Prize pek ding ca i aa telmi minung 5 cu “Iran Journalist Narges Mohammadi le Afghanistan Journalist Mahbouba Seraj, Kyaw Moe Htun le NUCC, ICJ, Philipine rammi Victoria Tauli-Corpuz le Ecuador rammi Juan Carlos Jintiach, Nuhrin Covo Checkhlatnak tuahtu phu” hna an si, tiah theih a si.

Thimmi 5 langhternak an tuah hi SAC nih nawlngeihnak an laak kum 2 tlin camtuak he aa tong, tiah kan theih.Kyaw Moe Htun cu SAC ralkap an sualnak le nuhrin covo an buarnak vialte vawleicung nih an hmuh khawh le an theih khawhnak ding UN ah chimphuannak a tuah lengmangtu a si.NUCC cu thimnak ah aiawhtu palai, tlangcung hriamtlai phu, political party, strike committee, zatlang bu hna le bu dangdang tampi he sermi a si, tiah theih a si.