Kawl Ralkap Nih Uknak Hi Sau Kan Tlai Ti Lai Lo

Kawl ralkap nih uknak hi cansau kan tlai ti lai lo. Kawl ralkap lei in chimnak nawl ngeitu Zaw Me Lung nih a chim.

Kawl ralkap nihhin kan ram uknak hi sau kan tlai ti lai lo. 2023 August thla ah thimnak kan tuah lai i teitu a simi party sinah nawlngeihnak kan pek ko lai tiah a hun nolh than cang ko hih.

Kawl ralkap nihhin NLD nih mee an fir thimnak a dih lo timi February 1,2021 ah khan uknak an rak lak i a tu hi kum hnih a tling cang. A ngai te ti ahcun Than Shwe phunghram pohmah 425 ning in cun Min Aung Hlaing Anna ting hi a caan a dih diam cang.

Nain Min Aung Hlaing te phu nih pohmah 425 kha hnu an chilh in poahmah 419 hmang in ramchungah normal a si rih lo ahcun pehzulh in in Min Aung Hlaing sin ah uknak chanh rih siseh timi hi an i tlaih than cang. A fawinak in chim ahcun hramhram in Min Aung Hlaing nih uknak tlaih peng hi a timh ko timi a fiang cang.

Relchap:
Hi atanglei ca zoh tikah,

မြန်မာနိုင်ငံတွင် မြို့နယ် ၃၃၀ ခု ရှိသည့်အနက် ၁၉၈ မြို့နယ်တွင်သာ လုံခြုံရေး ထိန်းနိုင်ပြီး ၁၃၂ မြို့နယ်တွင် မထိန်းနိုင်တော့ကြောင်း မင်းအောင်လှိုင်က ဝန်ခံ (Khit Thit Media)

Min Aung Hliang a sung cuahmah lio cang ti a fiang ngaingai. Township hi 330 a um. Mah vialte chungah township 198 long humhimnak ka tuah khawh a ti.

A fiangmi cu hi Township 198 a timi hmanh hi “Township” dihlak chung a si lai lo ti a fiang, hmun tampi ah. Myanmar ram 2008 Thanshwe Phunghram ning in hi ti hin then a si.

(1) State le Region
(2) District – State or Region pakhat chungah District hi tam nawn a um.
(3) Township pahnih thum fonh ah District pakhat a um a tlang piin
(4) Township pakhat chungah Town le Village Tracts le Villages hna an um.

Cucaah Min Aung Hliang a tlu thluahmah cang ti a fiang ngai.

2008 Phunghram an buar cang ee buar lo ee ti cu ralkap cu nan theih cia kha an si ko. Credit- Thawng Za Pum