Min Aung Haling: Tuhnu Kum thum te uknak nan pek rih ahcun inn khat ah Motor pakhat kan in pek dih hna lai

Min Aung Haling: Tuhnu Kum thum te uknak nan pek rih ahcun inn khat ah Motor pakhat kan in pek dih hna lai.

Kan hnu ah khan Kawlram uknak a latu Min Aung Hlaing nihcun tu hnu kum thum tein ram kan ukter ulaw inn khat ah Motor pakhat cio kan in pek hna lai tiah a rak chim.

A chim duhnak cu zalong tein, buaibainak um lo tein ram hi kan ukter ulaw inn khat ah Motor pakhat cio kan in pek dih hna lai ti khi a chim duhnak a si.

Kum thum chung ahhin kan ram hi a thancho taktak mi ram ah kan ser lai i kum thum chung ah Singapore cu kan tluk khawh lai tiah Min Aung Hlaing nihcun a rak chim.

Cu lawng hmanh si loin Nay Pyi Taw khuapi cu vawlei tang Tlanglong lam kan tuah lai i Electric hmanmi Bus kan kalter lai ti zong meeting nak ahcun a chimchih.

Min Aung Hlaing nih uknak a lak hnu ah Kawlram ah sualnak ngei lo mipi 1000 leng an nunnak a liam cang i minung 5000 leng tlaih i thongthlak an si.

Ralkap nih uknak an lak hnu ah ramchung sehzung pawl mei nih a kangh. Riantuan mi an zor i rampi phaisa lut a tlawm. Tax a pemi an zor. Cu chinchap ah Kawlram ah covid zawtnak fak tuk in a chuak i nikhat ah Yangon khuapi lawng ah minung a thong reng loin an thi.

Ralkap nih uknak an lak thla 7 chung ah khan Kawlram cu vawlei cung ram sifak bik ah kan i chuah deng cang. Tuhi kum hnih si cang i a si fakbik kan si cag. UN nihin tihin Kawlram boruak a um peng ko ahcun Kawlram mipi cu din ei har in an um lai i mangtam a tlung lai tiah a chim.

Kawlram ah phaisa lut a um ti lo ruang ah Kawl ralkap nih phaisa thar a tomtom in an ser i Kawlram phaisa man zong tamtuk a tla cang.

Cu lio ahcun Min Aung Hlaing nih kum thum tein uknak kan pe ulaw inn khat ah Motor special pakhat cio kan in pek hna lai. Kum thum chung ah Kawlram cu Singapore level tluk kan phan lai tiah a chim hi a si. Credit-Thestar