Nihin Tiang Kawlram Thawngpang Ah Mipi Lungthin La Kho Tak Tak TubCu mah hi a si

Saw Peng Ah Ni Thum Peh Zulh In Kahdohnak A Chuak I SAC Ralkap 20 An Thi. Magway ramthen, Saw peng ah SAC ralkap le mipi vengtu phu kar kahdohnak a chuak i SAC ralkap 19 an thi tiah Kyaukhtu-PDF phu sinin theih a si.

January 29 ah Saw peng, Pauktaw khua ah a rak phan mi SAC ralkap cu Hpayakone pawngkam ah hmun hma an i pek lio ah Gangaw pengkomh battalion 8,9 le Saw-PDF battalion-2 (YRPA) ပကဖ tantiphu pawl he 5 mins chung kahdohnak a chuak i SAC ralkap lei a thi mi le hliam a hmu mi an um nain a zat cu a fiang in theih a si rih lo.

January 30 ah SAC rallamsial ralkap minung 74 cu Saw peng, Pauktaw khua in Kunkhin khua ah chun sml 2:30 ah a rak mi cu Gangaw pengkomh battalion-8 nih bomb lung 50 in an puah hna i SAC ralkap 10 an thi tiah theih a si.

January 31 ah Saw peng,Kyaukhtu, Kunkhin khua bomb an puah hna ruang ah a fak mi SAC ralkap minung 74 cu Gangaw pengkomh no.4,5,8,9 le Saw-PDF battalion-2 (YRPA) phu fonh nih zing sml 6 in sml 7:30 tiang hriamngan, hriamhme in khua chung ah luh hnawh in an doh hna i SAC ralkap 9 an thi i 2 hliam fak an hmu tiah theih a si.

January 30 zaanlei sml 6:15 ah SAC ခလရ-၂၇၄ rallamsial ralkap thazaang 107 hrawng chung i ralkap 1 cu Gangaw battalion-8 phu an i thuhnak hmun lei ah a rak rat ruang ah an kah that i MA-1 meithel 1 an lak khawh tiah theih a si. (Crd.CBN DN)