SHARE CIO USIH, HAKHA AH SUI TTHI NAN THLAUMI KAN HMUH

Hakha um mi kan chungkhat or thil a thlautu nih aan hmuh khawhtthan nak lai thawngpang hi share tuah cio hna usih. Hakha ah Sui Tthi aan thlaumi hmuh a si. Hi konghe pehtlaiin The Chin Post nih thawng an thanhmi cu Nihin Nohawng (February) ni 2, Hakha Dawrthar Market ah suiṭhi nan thlau i kan hmuh. A thlautu nih 09458109203 ah pehtlaih khawh a si.

Thawngpang dang relchap.Tigyaing Ah SAC Gate KIA Le PDF Nih An Doh, SAC Ralkap 3 An Thi Hriamthil 4 An Laak.Sagaing ramṭhen, Tigyaing Myataung lam tonnak ah ummi SAC checkgate cu KIA le PDF phufonh nih nihin January 2, zinglei suimilam 4:00AM hrawng ah an kahdoh hna caah SAC ralkap 3 an thih leng ah pakhat tlaih a tong. Meithal 4 an chuh khawh hna tiah theih a si.

Zinglei suimilam 4:00AM hrawng ah kan va kahdoh hna, SAC ralkap pakhat kan tlaih, 3 an thih pin ah meithal 4 kan laak khawh. SAC ralkap nih Ayeyarwady hleidonh cung in hriamngan he an kan kah caah Myataung lam tonnak ah a ummi tualchung mi pakhat a nunnak liam, Caw pakhat zong a thi” tiah Tigyaing peng tualchung hriamtlai phu pakhat nih a chim.

Myataung lam tonnak cu Tigyaing le Ayeyarwady tiva kar ah a ummi gate pakhat a si. KIA le PDF phufonh nih Tigyaing khua pawng tiang kalhnawh in SAC ralkap cu an va kahdoh hna tiah tualchung mi nih an chim.People’s Spring

Relchap.Wetlet Peng Thla Khat Chung Ah Inn 2,000 Hrawng A Ciam, Tualchung Mi 5 Nunnak Liam. Sagaing ramthen, Wetlet peng ah a luancia January thla khat chung ah tualchung mi hna umnak inn 2,000 hrawng khanghpiak an tong, ngakchia pakhat telh in tualchung mi 5 thah an tong tiah tualchung Media nih an langhter.

SAC ralkap nih kum khat tluk ngakchia pakhat le kum 17 hrawng a simi ngakchia pakhat telh in minung 5 an thah hna tiah Wetlet Information Network phu nih an chim.January ni 24, ah private motor pakhat in chuah aa timmi chungkhar pakhat cu Wetlet in an chuah ah SAC ralkap nih an kah hna caah motor chung cuangmi kum khat tluk ngakchia pakhat a nunnak a liam tiah Wetlet Informational Network phu nih an chim.

Wetlet khuachung um ngam lo ruang ah motor in a chuakmi chungkhar cu lampi ah SAC ralkap nih an dirter hna, motor khalh lio a si caah dirter an si cu an thei lo. Cucaah atu bantuk hin SAC ralkap nih an kah colh hnanak a si i an fate cu a lu ah kuan nih tlenglak a hliamh caah a nunnak a liam.

A dang pakhat nih a liang ah kuan hliam a tuar” tiah Wetlet Informational Network phu chungtel pakhat nih a chim. SAC ralkap nih a luancia 2023, January thla khat chung ah Wetlet peng khua 9 ah inn 2,000 reng lo an khangh. Cu pin ah a dang khua 5 ah tualchung mi hna umnak inn an khangh rih, inn zeizat khanghpiak an ton fiang in theih a si rih lo tiah Wetlet Informational Network phu nih an chim. People’s Spring