Nihin February 3, 2023 chun suimilam 12pm tluk hrawng ah khan SAC Vanlawng pakhat nih Camp Victoria, Farrawn Khua, Tlangpi Khua le Laikua hrawng a vel. Ngiathlaitu Vanlawng si dawh a si. Tu hi Kalay Airport in Jet pakhat a rak kai ti a si. An cawlcangh ning zoh tikah chun nak in zaan ah kah itim deuh hna sehlaw a dawh.
Cu caah ahcun tuzaan hi Headquarter (Camp Victoria) ummi paoh Bomb runvennak khor chungah nan it dih lai tiah order an chuah. Zaan ah biatak tein ralvennak an tuah. Kalaymyo ah Helicopter a hun chiah cuahmah cun ngiathlaitu Vanlawng a hun thlah Len tikah zan ah a kah ko lai tiah zumh a si.Cun atu zaan suimilam 7:15PM (Myanmar time) ah khan Naypyidaw in Jet Fighter aa thawhmi Pali a si cang.
Cu caah tuzaan zong ah hin fak ngai in dohnak, Vanlawng in Bomb thlaknak a tuah khawh tiah zumh a si. Faak pi in thlacam hna usih.Nai ah CNA le CDF Thantlang nih SAC ralkap a nung in (6) an tlaih hna, cun Meithal zuun (7) le Bomb kuan 8 an chuh fawn hna. Cu lawng si loin Thantlang Sakhan cu Drone in nihin zing le tuzaan lei ah an kah hna. Cu caah SAC ralkap lei in biatak tein vanlawng hman dawh an si timi hmuh khawh asi.
Thawngpang dang.Good News. Ralhrang Helicopter tla lak in PDF nih an kah. Ralhrang kawlralkap le an hnuzul Pyu Saw Htee minung 20 hrawng an thi. Ram le miphun caah PDF lei minung pahnih zong an nunnak a liam ve tiah thanhnak an tuah. Hi konghe pehtlaiin thawngthanhnak an tuahmi cu a tanglei bantuk in a si.
Sagaing ramthen, Homalin khuapi ah ralhrang kawlralkap nih Martial Law hman dingin thanhnak an tuah hnu nihin zanlei sang ah PDF hna nih ralhrang kawlralkap raltuknak Helicopter pakhat tla lak in an kah tiah NUG cozah lei in humhimnak lei zung nih thanhnak an tuah.
Nihin February ni 3 zanlei suimilam 3:45 hrawngah Homalin peng Shwepi Aye Khua pawngah kahdohnak a chuak i ralhrang kawlralkap helicopter cu Khanti PDP battalion 1 le HPDF-124, HPDF. HPDF-Muu hna le pawngkam hriamtlai hna fonh nih an kah thlak tiah an langhter chih.
Tuni nihin kahdohnak ah ralhrang kawlralkap le an hnuzul Pyu Saw Htee hna cu minung 20 hrawnghrang an thi tiah an langhter. Cun mipi ralkap lei in minung pahnih nih ram le miphun caah an nunnak an pek ve tiah thanhnak an tuah.
Leave a Reply