Matupi Ah SAC Nih Thimnak Tuah Timhmi Hlawh A Tlin Nakding Caah Pesion La Cangmi Auh Ding Timtuahnak An Ngei.. 2023 August thla ah SAC nih thimnak tuah an timhmi ah minung an i phazo lo caah pension a la cangmi hna zong hman ding in Matupi ah ceihkhannak an ngei, tiah theih a si.
Matupi peng dihlak ah thimnak tuah khawh a si lai lo, Matupi khua chung ah cun tuah an i tim ko nain minung an i phoza lo caah pension a la cangmi hna auh ding in timtuahnak an ngei, tiah kan thei.Matupi ummi cheukhat nih, “Non-CDM hna zong SAC nih thimnak tuah an timhmi ah teltum an duh lo caah pension a la cangmi hna auh an timh hna hi a si,” tiah an chim.
Matupi khuachung ah SAC ralkap nih thimnak tuah an timhmi hlawh a tlin nakhnga caah chungkhar cazin a thar tuahpiak dingin tualchung mi hna an chimh hna, tiah theih a si.
CDF-Matupi nih SAC nih thimnak tuah an timhmi ah teltumnak a ngeimi paoh cu fak piin dan kan in tat hna lai, tiah an langhter. Credit: The Chin Post.
Adang. MAH nih hramhram in uknak la hlah sehlaw cu hmunkip ah khual ka tlawng lai, Trekking le Travel Blog ka tuah lai i atu cu ka nun nuam tuk cang hnga” tiah aa post mi Khin Bhone Zaw cu dalaan nih a umnak hmunhma an post piak ruang ah SAC ralhrang hna nih an tlaih tiah theih a si. Khin Bhone Zaw cu Nay Pyi Daw, Pyinmana khua ah ummi si tiah theih a si.
Pahnihnak. Hakha um mi kan chungkhat or thil a thlautu nih aan hmuh khawhtthan nak lai thawngpang hi share tuah cio hna usih. Hakha ah Sui Tthi aan thlaumi hmuh a si. Hi konghe pehtlaiin The Chin Post nih thawng an thanhmi cu Nihin Nohawng (February) ni 2, Hakha Dawrthar Market ah suiṭhi nan thlau i kan hmuh. A thlautu nih 09458109203 ah pehtlaih khawh a si.
Leave a Reply