Mipi ralkap Nih Uico Sakhan A Tuzing ah an lak, Ralhrang 15 Ruak an char

Minmo ah ralhrang uico sakhan cu mipi ralkap PDF nih an luhhnawh hna i uico 15 an kah thah hna. Hriamnam meithal ceilak an lakpiak khawh hna tiah theih a si.

Sagaing ramthen Minmo peng Htisong khua ah fekthup in an sak i ralhrang uico pawl nih hmun an khuarnak an sakhan cu Febuary ni 4 zingka a mipi ralkap PDF nih an luhhnawh hna i an kah hna caah ralhrang sakhan cu an lak khawh. Ralhrang uico pawl an hriamnam tamlak te an lak piak hna tiah Zero chungtel pakhat nih a chim.

Mah sakhan an kah nak ah ralhrang uico minung 15 an thah khawh hna i hliamtuar tampi hna ni sakhan cu an zaamtak tiah theig a si.

Mah sakkhan kahnak ah an lakmi hriamnam cheukhat hna cu MA3 pakhat kuanbawm pakhat, kuan le a dangdang tampi an i tel tiah theih a si.

Skahan kahnak ah mipi ralkap lei Zero Peuhkyar cbungtel pasaltha pakhat nunnak a liam tiah theih a si. Cun a dang pahnih phantuk lo awk hliamhma an tuar ve i ralhrang hriamnam ngan kahnak ah tualchung mi pakhat nunnak a liam.
Source-TachileikNewsAgency