Thawngpang Tha-CDF le Ralhrang uico an i Kap,Ralhrang pa10 an thi

CDF-Zotung Le SAC Ralhrang Kar Kahdohnak A Chuak, SAC Ralhrang 10 An Thi, 5 An Hliamh Hna. SAC ralhrang hna le CDF-Zotung karlak ah kahdohnak a chuak tiah theih a siNihin Nohawng 4 ah SAC ralhrang hna le CDF-Zotung hna cu Tingsi(တိန်ဆီးရွာ) khua le Tawlang(ထော်လန်ရွာ) khua kar ah an i kap i SAC ralhrang 10 an thi i 5 hliam an tuar.

SAC ralhrang hna nih tualchungmi minung(20) nak tlawmlo an tlaih hna tiah CDF-Zotung nih thawng an thanh. CDF-Zotung (mipi ralkap) hna cu him tein hnu an tolh cang tiah theih a si. Credit: Chin Cable Network Channel

Thawngpang dang relchap.SAC Nih Martial Law An Chuah Hnu Ah God Of Empire Nih Kalay Khuachung Ah A Ummi Irrigation Zung An Khangh.Sagaing ramṭhen, Kalay khuachung ah SAC kuttang Irrigation zung cu God of Empire phu nih an khangh pin ah lamcawhnak Backhoe pakhat zong an khangh, tiah theih a si.

February ni 3 zan sml 7:45PM ah Irrigation zung cu an khangh i lamcawknak Backhoe pakhat zong an khangh, tiah theih a si.Zan sml 7:45 ah kan Irrigation zung cu kan va khangh i, voi 3 tiang kan khangh. Zung chung ah a ummi SAC ralkap cu an tam lo. Kalay khuachung hmun tampi ah SAC ralkap pawl cu an i ṭhen i, sentari an cawngh hna caah Irrigation zung chung a ummi cu an tam lo.

Bomb kan puahmi zong a thang ngaingai, a thimi le aa hliammi kong cu kan thei rih lo,” tiah God of Empire nih an langhter.God of Empire phu nih Kalay khuachung ah kahdohnak voikhat kan tuah paoh ah kyats sing 3 in sing 4 hrawng kan dih lengmang caah, mizapi nih nan kan bawmhchanh naklai kan in nawl hna, tiah an langhter. Credit: The Chin Post.

Relchap.Ralzaam In A Ummi Nu Pahnih Rul Nih A Cuk Hna.Sagain ramṭhen Kanbalu(ကန့်ဘလူမြို့နယ်) peng ah ralzaam in a ummi nu pahnih cu rul nih a cuk hna tiah theih a si.Nohawng 2 chun ah kum 58 nu pakhat cu rul nih a cuk i Nohawng 3 ah kum 24 nu pakhat a cuk ṭhan. Rul nih a cukmi hna cu rul sivai a damh khomi BPI dur 6 le India sii rul siivai teimi 4 an chunh hna i 80% cu an dam cang tiah theih a si.