TLANGCUNG HRIAMTLAI SSPP ZONG NIH THANHNAK AN TUAH CANG

Mahte Khuakhan Lairelnak A Dirpitu Hriamtlai Phu He Rian Kan Ṭuanṭi Lai: SSPP.Federal rampi ser a duhmi phu paohpaoh he rianṭuanṭi ding in January ni 19 in February ni 1 tiang SSPP central zung ah tuahmi meeting ah SSPP nih hnatlaknak an ngei, tiah theih a si.Kannih SSPP cu Federal rampi ser a duhmi hriamtlai phu paohpaoh he kan ṭangṭi lai.

Mizei phu le hriamtlai he kan ṭangṭi lai ti cu dikthliar tein chim phuan a haumi thil a si lo.Federal rampi ser duhnak lungthin ngei theng loin mah pumpak miaknak ca ah a ruatmi phu zong kan cohlang hna lo. Lungthin tak he Federal rampi ser aa timmi phu paohpaoh he kan ṭangṭi lai,” tiah SSPP in “Major Sai Hpung Han” nih a chim.

Ramkomh kawlram ca ah a herh bikmi cu miphun lungrualnak le zungzal remdaihnak a si bantukin mah cucu kan ser khawh nakding caah tlukruannak le mahte khuakhan lairel khawhnak rampi ser hi a si ko, tiah SSPP nih an langhter.Atu lio rampi buaibainak vialte kan hlihphoih khawhnak ding le hmailei rampi sernak ding ah mibu pakhat le miphun pakhat lawng nih tuah khawhmi thil a si lo caah kan dihlak i bawm in a phi kan kawl a hau, tiah an langhter. Credit: The Chin Post.

Thawngpang dang.Kantalu gate ah SAC ralkap mawṭaw bom an puah hnawh hna i ralbawi telh in 5 an thi.. Sagaing peng, Kantalu gate ah mipi tangka halnak in a rak kir mi SAC ralkap mawṭaw pakhat cu February 2 ah bom an puah hnawh i SAC ralbawi telh in 5 an thi tiah Zero Guerrilla phu sin in thawng theih a si.

Bom puah hnawh an ton hnu in SAC ralkap pawl nih a pawngkam ah meithal an puah i Natkhayaing khua zong ah cawlcanghnak an ngei tiah theih a si.Bom puah hnawh a tong mi pawl hi Sagaing peng Armor phu an si i a thi mi ralbawi hi Kantalu gate in ngah mi tangka pawl he pehtlai in rianngeitu a si tiah theih a si.