GOOD NEWS. KUT BENG HNA USIH. RALHRANG TAMTUK AN THAH HOI HNA

Pekhon Ah SAC Ralkap Le KNDF Kar Kahdohnak Ah SAC Ralkap 15 An Thi, KNDF Pakhat Nunnak Liam. Shan-Kaya ramri, Pekhon peng ah rallam sialtu SAC ralkap le Pekhon peng dohthlengtu phu kar kahdohnak a chuak tiah KNDF-Pekhon Zone nih February ni 6 ah cathanh an chuah.

Shan-Kaya ramri Saungkan khua ah a luancia February ni 4 ah SAC ralkap le KNDF kar kahdohnak a chuak i cu kahdohnak ah cun SAC ralkap 15 nak tam an thi, Pekhon tualchung hriamtlai phu lei in minung pakhat a nunnak liam, KNDF-03 in ralkap 2 nih hliamhma an tuar tiah theih a si.

Kaphnih kar kahdohnak a chuah ruang ah SAC ralkap nih kahdoh a chuah lonak Wayikawhku(ဝါရီကောခူ) khua cu hriamngan in an kah caah biakinn pakhat a rawh leng ah khuachung inn zong an rawk i, inn zuat saṭil zong hliamh an tong tiah Union of Karenni State Youth nih an thanh. Ayeyarwaddy Times

Thawngpang dang. Chin Ramkulh Falam Peng, Ṭio Ah Zan Tlai Hnu Chuah Lo Ding In Mino Nih Thawng An Thanh.Chin ramkulh Falam peng, India-Myanmar ramri Ṭio ah SAC ralkap nih zing suimilam 6:00AM hlan le zanlei suimilam 6:00PM hnu ah ahohmanh leng chuak lo ding in thawngthanhnak an tuah tiah theih a si.

Zanlei suimilam 6:00PM cu a tuan deuh, zan ah pumhnak tibantuk zong kal kan duh caah zan suimilam 10:00PM tiang cu kan onh ko uh tiah khua mino nih SAC ralkap cu an chimh hna hnu ah, zinglei suimilam 6:00AM hlan le zan suimilam 10:00PM hnu ah ahohmanh leng chuah lo ding in khuachung mino nih February ni 5, ah tlang an au tiah” tiah tualchung mi pakhat nih The Chin Post ah a chim.

Atu bantuk caan rikhiah in leng chuah lo ding khamnak an tuah hi, khuachung ah mipi ralkap an i chok ti thawng SAC ralkap nih an theih caah, SAC ralkap nih checkhlatnak tuah an i tim tiah a dang mi pakhat nih a chim chap.

The post GOOD NEWS. KUT BENG HNA USIH. RALHRANG TAMTUK AN THAH HOI HNA appeared first on Chin.

Credit- This post First appeared on this Source Link

Be the first to comment

Leave a Reply

Your email address will not be published.


*