GOOD NEWS. RALHRANG BOHNIH LE A NAU 5 AN THAH HNA

Tangka In Lentecelhnak Hmun Ah SAC Ralkap Bo Hnih Telh In 6 Thah An Tong.Sagaing ramṭhen, Sataung peng Sataung khua, tangka in lentecelhnak(လောင်းကစားဝိုင်း) a tuahtu bo hnih ralbawi pakhat le a hnuzultu 5 thah an tong, tiah theih a si.

Tualchung mi hna thawngpeknak thawng in February ni 5 chun sml 12:00 hrawng ah Mayauk Hliatsi Guerrilla phu nih kan va kah hna, tiah Mung Taing nih a chim.Pistol aa putmi SAC ralkap bo hnih pa zong thah a tong. Thah a tongmi chung ah SAC ralkap thawngpetu Sein Htun le a nupi Thein Kyi zong an i tel.

Annih hi SAC he i bawm in tangka in lentecelhnak a tuahtu an si,” tiah a chim chap.Motor chung ah a ṭhumi ralkap Myo Htun Thein, Sein Htun, Thein Kyi le lente aa celhmi humhimnak laakpiaktu palik cu kah an ton caah 6 an thi, tiah theih a si.

Tualchung mi nih an kan chimhnak a sau ngai cang nain kan hriamnam aa thlau tuk caah kan rak kap hna lo. Atu cu bo hnih pa lawng pistol aa ken an kan ti caah kan va kah hna hi a si, tiah Mung Taing nih cun a chim.Tangka in lentecelhnak hmun ah kyats 342,000 le ralkap bo hnih Myo Htun Thein sin in pistol zun khat kan laak, tiah PDF nih an langhter. TCP

Thantlang thilcang. Nihin ah thantlang ralhrang kawlralkap an umnak cu CNA le CDF nih drone in bomb an thlak hnawh hna. An bomb zong athaa zaang tthawngtuk timi video zoh in aa thei. Nihin February ni 5 zingka CNA le CDF nih drone in thantlang khuachung ah um hmun a khuarmi bomb in an thlak hnawh hna.

Nihin CNA le CDF nih Thantlang ralhrang umhmun khuarnak bomb an thlak mi hi a tlawmbik voi 6 cu a si tiah an chim. Hi bomb thlaknak ah ralhrang kawlralkap lei a thimi an um le um lo theih a si lo. Nizan zongah thantlang ralhrang palik sakhan zong drone in an kah cang hna.