Good News-RALHRANG KAWLRALKAP ZIAZA VIALTE A PHUAN DIH CANG

Line hau lon Thawngpang rel khawhnak Chinland News hi na phone ah rak install ve👈

KIO Chairman: SAC Nih Remdaihnak An Sermi Zumh Awk Tlak Pakhat Hmanh A Um Lo. SAC nih remdaihnak an sermi lamthluan hi pakhat hmanh zumh awk a tlakmi a um lo, tiah KIO Chairman General N’Ban La nih nizan February ni 5 ah a chim.

KIO an dohthlennak kum 62 tlin camtuak ca ah General N’Ban La bia cu caan karlak Chairman General Kam Shawng nih a chim, tiah theih a si.SAC le tlangcung hriamtlai kar remdaihnak ser hi tlangcung hriamtlai hna cu ramri hngaktu ralkap ah thlen, an hriamnam chuh le tlangcungmi hna hrem le namneh timh duh ah a si ko, tiah a chim.

KIO cu NUG, PDF hna he pehtlaihnak ṭha tein kan ngei i ramkhel umtuning hoih in rian kan ṭuan ko nain kawl miphun hna nih ramkhel an hmuh ning aa thlengmi a um rih lo. Kawl miphun hna nih miphun tam -u uknak lungthin an ngeih peng ko ahcun hramhram uknak dohthlenak hi caan sau a rau kho, tiah General N’Ban La nih a chim.

KIO cu Kachin ramkulh, Shan ramkulh chaklei le Sagaing ramá¹­hen cheukhat ah PDF he i bawm in ralkap kan doh cuahmah. SAC nih nawlngeihnak an laak hnu in ralkap le KIO kar ah kahdohnak voi 1,125 a chuak, tiah Colonel Baw Bu nih a chim. Credit: The Chin Post.

Adang, Loikaw-Pekhon Motor Lam Kahdohnak Ah SAC Ralkap 5 An Thi, PDF 1 A Nunnak A Liam Ve.Karenni ramkulh, Loikaw-Pekhon(ဖယ်ခုံ) lam kahdohnak ah SAC ralkap 5 an thi, kanmah lei in ralkap 1 a nunnak a liam ve, tiah Pekhon PDF Battalion 2 nih cathanh an chuah.

Rallam a sialmi SAC ralkap cu February ni 4 zan sml 10:30PM hrawng ah Pekhon PDF Battalion 2, KNDL Battalion 3 le URF hna i bawm in an kah hna, tiah theih a si.Kahdohnak hi sml 2:00 chung hrawng a rau lai. SAC ralkap lei a thimi le aa hliammi an tam caah Loikaw le Pekhon hrambunh SAC ralkap nih hriamngan in kah an bawmh hna.

Atu zong thawngpang a linsa chin lengmang ko,” tiah Pekhon PDF Battalion 2 he naihniam in a ummi pakhat nih a chim.Cu kahdohnak ah SAC ralkap 5 an thi i 9 hliamhma an pu. Kanmah Battalion 2 in ralkap David nih ram le miphun ca ah a nunnak a pek i, KNDF in ralkap 2 hliamhma an pu ve, tiah Hpekhone Battalion 2 nih an langhter.

Cu kahdohnak ah Loikaw hrambunh SAC ralkap nih hriamngan voi tam tuk an kah caah Wawyikawkhu khua Biakinn le tualchung mi inn, inn 20 leng a rawk tiah theih a si.

The post RALHRANG KAWLRALKAP ZIAZA VIALTE A PHUAN DIH CANG appeared first on Chin.

Credit- This post First appeared on this Source Link

Be the first to comment

Leave a Reply

Your email address will not be published.


*