Line hau lon Thawngpang rel khawhnak Chinland News hi na phone ah rak install ve👈
‘Pathian nih bia aka ruah’ tiah a chimtu hna cu thluak hman lo an si tiah Pastor(?) Van Tha Kam Thang nih a chimmi ka hmuh ve. A zumh lonak a langhter sawhsawh men si loin pastor nih pulpit cung hman ding ai dawh deuh lomi biafang tiang hmang in a thangchiat hna.
A ngai ngai ti ahcun, Pathian kong cu supernatural a si caah minung thluak nih theih dih khawh a si lo, evangelist hna nih an chimmi khi a dik khomi zong a si i lih zong a si kho ve, thluak hman lomi zong an i tel kho ve men ko hnga. Nain, Pathian kong cu Pathian lawng nih a theih dih khawh caah a thei dih bang ninghngal tuk in Pathian riantuantu hna thangchiat khi i sum deuh a tha lai, abik in pastor ai ti vemi nih cun.
Van Tha Kam Thang hi pastor a tuan te lai ka rak zum bal lo, aruang cu 2015 catial kai awt hnu in Facebook ah isiknak kip le i thangchiat nak poah ah midang a thuat hna nak comment tuletu ka hmuh zungzal. Keimah he kan i lo tuk ka ti tawn. Amah hi le Zammang Mualcin khi cu buai le sandah piah a huam ngaimi ‘activist’ rian deuh khi tuan te hna seh ti ka rak duh sak tuk hna nain atu cu pastor an tuan rua i a poi zet ka ti. Credit: Salai Lungthlitum.
Thawngpang dang. Lamaing peng ah SAC ralkap Captain YGF nih an tlaih. Mon ram, Lamaing peng, Kaninkamaw le Aungthayar khuate karlak ah SAC ralkap 5 nih an rak i cit mi mawṭaw cu YGF le adang phufonh nih an kah hna i SAC ralkap Captain 1 an tlaih tiah YGF nih a thanh.
February 4 chun sml 2:30pm hrawng ah YGF le adang phufonh nih Kaninkamaw le Aungthayar khuate karlak ah a rak lut mi mawṭaw pakhat cu check ding in an dirter nain mawṭaw cung ah mipi thuam he aa cit mi SAC ralkap 5 nih an kah hna caah mins 30 tluk kahdohnak a chuak.
Kahdohnak ruang ah an mawṭaw cu lam kam tiva hor ah a tla i mawṭaw aa rak cit mi SAC ralkap 5 an zaam caah an dawi hna i Captain pakhat an tlaih khawh tiah theih a si.A tantak mi mawṭaw cu lak khawh an i zuam ko nain Lamaing hrambunh SAC ralkap nih hriamngan lung 3 an kah i bawmtu an thlah hna caah mawṭaw cu an khangh tak i an kir tiah theih a si.
Leave a Reply