RIP. PDF PASALTHA NIH RAM LE MIPHUN CAAH A NUNNAK A PEK TTHAN

Loikaw-Pekhon Motor Lam Kahdohnak Ah SAC Ralkap 5 An Thi, PDF 1 A Nunnak A Liam Ve.Karenni ramkulh, Loikaw-Pekhon(ဖယ်ခုံ) lam kahdohnak ah SAC ralkap 5 an thi, kanmah lei in ralkap 1 a nunnak a liam ve, tiah Pekhon PDF Battalion 2 nih cathanh an chuah.

Rallam a sialmi SAC ralkap cu February ni 4 zan sml 10:30PM hrawng ah Pekhon PDF Battalion 2, KNDL Battalion 3 le URF hna i bawm in an kah hna, tiah theih a si.Kahdohnak hi sml 2:00 chung hrawng a rau lai. SAC ralkap lei a thimi le aa hliammi an tam caah Loikaw le Pekhon hrambunh SAC ralkap nih hriamngan in kah an bawmh hna.

Atu zong thawngpang a linsa chin lengmang ko,” tiah Pekhon PDF Battalion 2 he naihniam in a ummi pakhat nih a chim.Cu kahdohnak ah SAC ralkap 5 an thi i 9 hliamhma an pu. Kanmah Battalion 2 in ralkap David nih ram le miphun ca ah a nunnak a pek i, KNDF in ralkap 2 hliamhma an pu ve, tiah Hpekhone Battalion 2 nih an langhter.

Cu kahdohnak ah Loikaw hrambunh SAC ralkap nih hriamngan voi tam tuk an kah caah Wawyikawkhu khua Biakinn le tualchung mi inn, inn 20 leng a rawk tiah theih a si. Relchap.Tangka In Lentecelhnak Hmun Ah SAC Ralkap Bo Hnih Telh In 6 Thah An Tong.Sagaing ramṭhen, Sataung peng Sataung khua, tangka in lentecelhnak(လောင်းကစားဝိုင်း) a tuahtu bo hnih ralbawi pakhat le a hnuzultu 5 thah an tong, tiah theih a si.

Tualchung mi hna thawngpeknak thawng in February ni 5 chun sml 12:00 hrawng ah Mayauk Hliatsi Guerrilla phu nih kan va kah hna, tiah Mung Taing nih a chim.Pistol aa putmi SAC ralkap bo hnih pa zong thah a tong. Thah a tongmi chung ah SAC ralkap thawngpetu Sein Htun le a nupi Thein Kyi zong an i tel.

Annih hi SAC he i bawm in tangka in lentecelhnak a tuahtu an si,” tiah a chim chap.Motor chung ah a ṭhumi ralkap Myo Htun Thein, Sein Htun, Thein Kyi le lente aa celhmi humhimnak laakpiaktu palik cu kah an ton caah 6 an thi, tiah theih a si.

Tualchung mi nih an kan chimhnak a sau ngai cang nain kan hriamnam aa thlau tuk caah kan rak kap hna lo. Atu cu bo hnih pa lawng pistol aa ken an kan ti caah kan va kah hna hi a si, tiah Mung Taing nih cun a chim.Tangka in lentecelhnak hmun ah kyats 342,000 le ralkap bo hnih Myo Htun Thein sin in pistol zun khat kan laak, tiah PDF nih an langhter. TCP