Thawngtha-Ralhrang Uico Hriamnam Le Vanlawng Kahnak PDF Nih Mei Alh Lak In An Kah Caah Uico An Thimi An Tam

Monywa Nah Mah Khah Hriamnam Chiahnak Le Vanlawng Chiahnak Hmun Cu PDF Nih An Kah Caah SAC Ralkap 4 An Thi

Sagaing ramṭhen, Monywa khua um Nah Mah Khah headquaters hriamnam chiahnak le vanlawng chiahnak hmun cu, Shadow Ranger le ṭangṭi phu hna nih February ni 5 zinglei ah kan kah, tiah Shadow Ranger phu in ralkap pakhat nih a chim.

February ni 5 zinglei sml 3:03AM ah voikhat, 9:18AM ah voikhat tiin hriamnam chiahnak le vanlawng chiahnak hmun cu 102mm lung 4 in voi 2 an kah hna caah SAC ralkap hliamhma pumi hna cu mizaw phurhnak motor nih a va don hna, tiah theih a si.

“A bik in hriamnam chiahnak le vanlawng an chiahnak kan kahmi a si ko nain ralkap a thimi le aa hliammi an um ti cu a fiang. A rawkmi kong tu cu fiang tein kan thei kho rih lo,” tiah Shadow Ranger in ralkap pakhat nih a chim.

Cu kahdohnak ah Shadow Ranger le anmah he ṭangṭi phu a simi Chindwin Attack Force Battalion 2, 3, 4 le Battalion 5 Aung San Force -ASF) ၊ Alpha Special Force Column hna i bawm in an kah,tiah theih a si.

“Zing sml 3:03 AM ah 107mm lung 2 in kan kah pinah 9:18AM ah lung 2 in kan kah ṭhan. Kan hriamngan kuan nih SAC sergeant, Deputy sergeant le a dang ralkap 2, an dihlak 4 a khen hna caah an thi i 5 hliamhma fak ngai an pu,” tiah theih a si.

SAC nih nawlngeihnak an laak kum 2 tlin ni ah martial law an chuah i Sagaing ramṭhen chung zong ah peng 11 cu, martial law in uk ding a si caah Sagaing ramṭhen uktu SAC ralbawi pa a umnak Nah Mah Khah headquaters cu PDF nih an kah hi a si, tiah theih a si. Credit-Thechinpost