JAMES VAN NEIH LIAN HI SATAN NIH A HLEN KA TI KHAWHNAK A RUANG

CHIN RAM KONGAH JAMES VANNEIH LIAN BIAPHUAN A DIK MAW? PATHIAN MIN IN NAUTAT MI LE SUALPHAWTMI LAI/CHIN RAM. 1. Kum 2010 cho hrawng, ram a buai hlanpi ahkhan, USA leiin PATHIAN mihhman pakhat Chin ram a rak tlung i PATHIAN nih a rak hman ngaingai! Sihmanhsehlaw, amah le mah a cawisan tuk caah, Chin ram cu a kan zohchuk ngaingai!

Cu lio i, PATHIAN Min in sual a rak kan phawtnak bia cu, “Nan dihlakin, Pastors vialte, Evangelists vialte, khrihfabu vialte nan tlau dih,” tiin, sual a rak kan phawt dih!BAWIPA nih cu bia cu a duh naisai ve lo i cu bantuk i bia a chim cuahmah lio ahcun, THIANG THLARAU nih, Rom 11:2-4 i BAWIPA nih, a caah mi 7,000 pathian deu Baal hmai i a kun bal lomi aa chiahnak bia hi a hun ka pek colh ve!

Pahnihnak. 2021 ahkhan, Rev. Dr. Van Ram Uk nih online in a chimmi ka ngai ve. A timi cu, “Lai mi lakah nawl ngaimi ka hmu hna lo,” tiin, Elijah bantukin sual a kan phawt dih i a kan kal taak!A pehmi cu, “Nan tei lai lo, nan cei cikcek lai,” ti pawl kha a rak si!3. Jemes Vanneih Lian nih, PATHIAM Min in Chin ram le Chin mi sual a kan phawtnak hna:1). PATHIAN nih zawng bantuk a simi Chin miphun cu Carson le Laura hmangin THIANG THLARAU a kan toih i a kan cawisan. Sihmanhsehlaw a kan khinhmi rian (Mission rian) țuan duh loin, țhutdan nan i cuh ti pawl.

Pahnihnak. Ram ca i thlacamtu vialte, Pastors, Evangelists, Ministrys, Khrihfabu, Thlacambu vialte an thlacam PATHIAN nih a let hna lo3. Chin ram cu thisen tam tuk a luan caah a thur hnawm tuk cang, Ka Pa, Pathian nih lamh a ka sianh lo! 4). Thisen mawh an tefa tiangin an in lai, tibantuk hna kha an si!Cucaah;(1) Chin ram a kaang dih lai.(2) Tampi nan thi lai.(3) Techin fapar tiang ankut tang sal nan si lai.(4) Ahohmanh nih an țhum kho lai lo ti pawl hi an si.

Kan Biahram kha țha tein zoh u law, Chin ram, Lai mi, sual phawt kan sinak a hram cu, PATHIAN nih a THIANG THLARAU in a umpi tuk hna caah, amah le amah a cawisang mi, Chin ram le Lai mi a kan hmuhning a dik lo i a kan nautattu thinlung hmangin a ra mi a si i, kan ral satan/khuachia nih cun, ram a buai hlanpi khan Chin ram, Laimi cu sual a rak kan phawt diam ko cang!

Cu lungput, amah le amah a cawisangmi hna lungput cu, kan ral satan/khuachia nih rak hmu ve kiukiau kaw, “Vanțhat,” tiin, Job a hawi le pathum hmangin Job cu PATHIAN Min le PATHIAN Bia in sual an phawt i an rial bantuk khan, THIANG THLARAU bantukin (Ceunak vancungmi bantukin) a chawnh khawh hna i a hlen khawh hna! Cucu, THIANG THLARAU hngalhter mi le aw ah an ruah caah, ralțha ngaiin an aupi!!!

Jemes vanneih Lian hi satan/khuachia nih a hlen ka ti khawhnak a ruang hna:(1) Chin ram kongah ca ka țial a hnu bik a si cang lai a ti hnu ah, Chin ram kong chiatserhnak bia voi 2/3 a țial cang! A lih tawnmi, James vanneih Lian si loin, kan ralpa satan/khuachia a si.(2) Dawtnak le ngaihthiamnak kan i put awk a si a ti hnu tlawmpalah, chiatserhnak hmanhah Chin ram khangh dihnak, techin fapar tiang sal tannak, mi tampi thihnak bia hna a miphun cungah a chim cu, amah James Vanneih Lian si loin, kan ral satan/khuachia bak a si!

Pathumnak. Ka Pa, Pathian nih a lung a hahter lai i ahohmanh nih an țhumh lai lo a ti tu zong, James vanneih Lian si loin, kan ral satan/khuachia a si. Zeicahtiah, PATHIAN nih an lung a hahter hna cu țhumh le dantat a duh hna caah a si tawn.(4) James vanneih Lian biafang hmanmi a dik lonak a um caah, satan/khuachia nih a hlen khawh!

Zeicahtiah, Biakam hlun le biakam thar zumtu vialte nih, BAWIPA cu zapi sin i a min an chim tikah, “Ka Pa, ka Pathian,” tiin, an chim bal lo. “BAWIPA kan PATHIAN nih,” a ti, tiin, an chim tawn. James vanneih Lian nihcun, “ka Pa, ka Pathian,” nih a ti, tiin, zapi sinah voi tampi a chim i chiatserhnak bia a țialnak ahkhan voi 4 khengte a hman! Ka Pa, ka Pathian ti cu kanmah pumpak le PATHIAN kan i pehtlaihnak i hmanmi a si awk a si.

BAWIPA JESUH nawl ka cawn a ti ahcun, Lamkaltu vialte nih an hmang lo, BAWIPA JESUH hmanh nih, ka PA, ka PATHIAN, nan PA, nan PATHIAN,” tiah a nolh!(5) Techin fapar tiang an kuttang sal ah nan um lai a ti hi Jemes vanneih Lian si loin, kan ral satan/khuachia a si. Zeicahtiah, an kut tangin kan luat bal rih lo.

Paruknak. Zawng bantuka simi Chin mi THIANG THLARAU an kan toih i a kan khinhmi rian, Chin ram, kawl ram, Asia ram le vawlei cung ah mision rian nan țuan duh lo, a titu zong, James vanneih Lian si loin, kan ral satan/khuachia a si. Zeicahtiah, amah vanneih Lian hmanh aa thawh kho rih lo. Cun, vawleicung i mission a thlahtu ram hna khi, rampi huap THIANG THLARAU Toih/Țhanghnak a umnak lawngte an si.

USA, Wales, South Korea tibantuk. Chin ram ah rampi huap THIANG THLARAU Toih/Țhanghnak a tlung bal rih lo nak cu fial tlak kan si rih lo, timhpiak lio cu kan si. (Luka 24:49) rel chih.(7) Chiatserhnak bia a chimtertu hna hi, anmah si loin, kan ralpa saran/khuachia a si. Zeicahtiah, Kum 2000, 2004, 2008, 2012, 2016/2017 (2016 kum dongh le 2017 kumthar rawl ulh lio), 2020, 2022 kum hna i BAWIPA nih, ka sin i a phuanmi, a ka hngalhter ve mi hna he an i khat hna lo!

Sual phawt kan sinak a biapi cu, ral nan tho ti si. An nih hi dawtnak le ngaihthiam le ral va dawt timi a cawnpiaktu an si. Cucaah, ral thawh, ral va tuk i thisen va chuah le cu ca i tangka thawh tiangin a sual hmuh in a hmu mi an si.Asinain, Chin miphun hi kum 70 reng lo ral thawh a huam lomi, sawm khawh lomi kan si. Kum 2021 hnu i mino hi vialte an thawh hi, aho hmanh nih an forh bak hna lo! Anmah tein a thomi an si.

Nu le pa le hna tu cu, kan fa le an rawkin an lo dih ne lai cu teh tiin, ai hnemi an si! Hi vialte a tuahtu hi, BAWIPA tuahmi a si i Chin Miphun cu zumtu/khrihfa a si ka in, a Miphun huapin Thluachuah a co bal rih lomi, mi kut tang kum 70 renglo sal a si peng i rialdiip pengmi le nautat pengmi a sinak in luatter awkah le vawleicung theih awkin AMAH BAWIPA PATHIAN caah cawisan awkah, BAWIPA nih a duh lo bu tein a thawhter i lam kal a cawnter mi a si.

Kum tlinglo in tlaihhremmmi nu bantukin kum 70 reng lo thluak le thinlung tlaihrem mi Chin mi thinlung cu a rawh ngaingai caah, a sersiam tu cu a ol ve hrimhrim lo. Cucaah, ven khawh loin tampi kan rawk ve! Sihmanhsehlaw, Isaiah 57:16-19, Ezekiel 36:16-32 na rel ah cun, THIANG THLARAU thawngin kan țha hrimhrim ko lai.KHRIH sal-lamkaltu Tluang Lian (Martar)