POITUK HRINGHRAN, CDF LEI THAWNGTHANH CU LUNG A TTHA HRIMHRIM LO E

SAC Ralkap Nih Zotung Mi 10 Cu Ralphaw Hman Ding Ah An Tlaih Hna, 2 Lawng An Thlah Ṭhan Hna.Chin ramkulh, Matupi peng Zotung ram ah SAC ralkap nih tualchung mi 10 cu, ralphaw hman ding ah an tlaih hna, tiah CDF-Zotung in ṭuanvo ngeitu nih a chim.Matupi peng Zotung ram Tingsi khua le Htawlan khua kar, February ni 4 ah SAC ralkap le CDF-Zotung kar kahdohnak a rak chuak i, SAC ralkap nih tualchung mi 10 an rak tlaih hna.

Ralphaw hman ding ah SAC ralkap nih an rak tlaihmi 10 chung ah kum 18 tang nu 2 zong an i tel. Minung 8 chung ah 2 lawng an thlah rih hna, a dang 8 tu cu an thlah rih hna lo, tiah CDF-Zotung nih an langhter.CDF-Zotung in chimphuannak nawlngeitu John nih, “Hriamnam a ngei lomi tualchung mi an tlaihmi hna hi zeitin hmanh in ti awk an hngalh ti lo caah le an kan tei ti lo caah ralphaw hman ding in an tlaih hna hi a si,” tiah a chim.

February ni 5 zong ah CDF-Zotung chungtel pakhat Salai Ha Ka Ling(kum 24) zong SAC ralkap nih an thah, tiah theih a si.Atu kar hrawng hi SAC ralkap nih, Zotung hmunram ah rallam an sial caah thawngpang a linsa ngaingai, tiah theih a si. Credit: The Chin Post.

Relchap. Pakokko-Yesagyo Lampi Ah SAC Ralkap Leilawng (motor) 2 Doh An Tong, 10 An Thi. Magway ramṭhen, Pakokko-Yesagyo lampi ah SAC ralkap nih an zulhmi leilawng 2 cu kahdoh an ton caah SAC ralkap 10 an thi, hriamthil zeimawzat zong laakpiak an tong tiah tualchung hriamtlai Pakokko pengkomh battalion 3 sin in theih a si.

February ni 4, zanlei suimilam 4:30PM ah Pakokko-Yesagyo lampi Ko Shein petrol dawr hmai ah SAC ralkap nih an zulhmi leilawng 2 cu tualchung hriamtlai Pakokko pengkomh battalion 3 nih an kahdoh hna caah SAC ralkap 10 an thi, minung 3 nih hliamhma fak an tuar leng ah hriamthil zong an laak khawh tiah theih a si.

Kaphnih kar i kahdohnak hi minutes 5 hrawng a rauh hnu ah tualchung hriamtlai phu lei hliamhma tuarnak um loin hnu an tolh kho tiah theih a si.SAC ralkap sin in laakmi thilri hna cu Carbine 6, Carbine kuanbawm 6, Carbine kuanfang 146, MA 4 pakath, MA 4 kuanbawm 5, 5.56 kuanfang 94, kutcheh bomb lung 3, 40mm bomb lung 4, phone 3, power bank pakhat, equipment pakhat, tidur pakhat, super custom leilawng pakhat hna an si.