TUNI THILCANG CU A TURU BAK HIH, RALHRANG TAMTUK AN THI

Ralkap Uknak Upadi Tang Ah A Um Tiah An Thanhnak Pauk Peng Ah SAC Ralkap Leilawng (Motor) Doh An Tong, 11 An Thi. SAC ralkap nih Martial Law in uk ding tiah a thanhnak Magway ramṭhen, Pauk peng ah SAC ralkap caah riahcaw a phurtu leilawng cu kahdoh a ton caah, SAC ralkap 11 hrawng an thi lai tiah Myaing tualchung hriamtlai pahkahphah Bu Lyinkya nih a chim.

February ni 7, chunhnu suimilam 1:00PM hrawng ah Pauk peng Hpalankai(ဖလံကိုင်း) in a kirmi SAC ralkap riahcaw phur motor cu Myaing peng tualchung hriamtlai pahkahphah, Zamani pahkahphah nih a thli in an kahdoh hna caah SAC ralkap pakhat a thi, cu hnu ah bomb lung hnih hmang in puahhnawh an si ṭhan caah minung 10 hrawng an thi tiah Bu Lyinkya nih a chim.Khit Thit Media

Thawngpawng dang relchap. SAC Nih Uknak Laak Kum Hnih Chung Ah Nu 2,800 Tlaih An Tong, 400 Leng An Nunnak Liam. SAC nih hramhram uknak a laak kum hnih chung ah nu 2,800 hrawng tlaih an tong i nu 400 leng an nunnak a liam cang tiah Myanmar Women’s Union nih a langhter.

Tlaihkhih a tongmi nu hna chung ah hin a tam bik hi Yangon ramṭhen in an si i minung 758 tlaih an tong tiah an langhter chih.A tam bik tlaih a tongmi ramṭhen chung ah Sagaing ramṭhen le Mandalay ramṭhen an i tel i, ramṭhen 2 ah nu 300 leng tlaih an tong tiah theih a si

Bago ramṭhen le Taningtharyi ramṭhen ah nu 200 leng tlaih an tong tiah Myanmar Women’s Union nih an cazin ah an langhter.Tlaihkhih a tongmi nu hna chung ah hin Education Department, mino cawlcanghnak ah aa telmi hna le ngandamnak lei rianṭuantu hna tam bik an i tel.

Education Department in minung 365, party le ramkhel lei cawlcanghnak a tuahtu minung 92, ngandamnak lei rianṭuantu 51 le lemcang, media le cozah he aa pehtlai lomi tualchung mi hna tiin nu tampi tlaihkhih an tong.

SAC nih uknak a laak kum hnih chung ah nu lawngte 414 an nunnak a liam cang, nunnak liammi hna chung ah a cheu cu hriamngan hliamhnak ruang ah, khuachung kahdohnak a chuah ruang ah, vanlawng in bomb thlaknak an tuah ruang ah le SAC uk duh lo langhter in lamzawhnak tuah lioah kah a tongmi hna zong telh chih an si.People Spring

The post TUNI THILCANG CU A TURU BAK HIH, RALHRANG TAMTUK AN THI appeared first on Chin.

Credit- This post First appeared on this Source Link