Thantlang CB Bank ah CNA le CDF nih ralhrang an tlaihmi hna cu biahalnak an tuah cang hna. An tlaihmi ralhrang chungah Thantlang an phak caan hi aa dang cio. Thenkhat cu sau ngai Thantlang ah an um cang i, tthenkhat cu naite ti awk ah a phanmi zong an um hna.An biachimmi pawl siseh, CNA CDF nih an tlaih hna ning pawl an chimmi video in ngaih le zoh khawh a si. Video zoh a duhmi hna nih hika hin zoh khawh a si
Theih a phu taktak mi cabia. PATHIAN NIH BIA A KAN CHIMH NING ASILOAH PATHIAN BIA/AW THEIH NING.(1) Bible In Bia A Kan Chim. 2Tim 3:16 “Cathiang hi a dihlak in Pathian thaw chuahhnawhmi a si i biatak cawnpiaknak caah le palhnak cawnpiaknak caah le palhmi remhnak caah le ding tein nunnak ding cawnpiaknak caah a thahnemmi a si.
Pahnihnak. Jesuh Khrih In Bia A Kan Chimh. Heb 1:2 “Sihmanhsehlaw atu kan chan, chan hmanung bik a simi chan ah hin cun, kan sinah a Fapa in a bia cu a chim” (3) Thiang Thlarau in Bia A Kan Chimh. Acts 8:29 “Thiang Thlarau nih Filip cu a thawh i, Va kal law khi rangleng khi va naih tuah, tiah a ti”
Palinak. Sermi Thil (Creations) In Bia a Kan Chimh.Rom 1:20 “an hmu duh lo, cucaah dan a tat hna. Vawlei a ser hramthawkte khan Pathian nih cun, hmuh khawh a si lomi a sining, zungzal hmunmi a t’hawnnak le a Pathian sinak kha, fiang tein a langhter ko. Cucaah i silhnalh khawhnak zei hmanh an ngei lo”
Panganak. Thlacamnak in Bia A Kan Chimh. John 14:14 ” Zeipaoh ka min in nan ka hal ahcun ka tuah lai, tiah a ti” Thlacam hi Pathian he bia i ruah asi. Pathian aw cu na hnakhaw in cun na thei lem lai lo nain na thlarau nih fiang tein a theih ko lai. Pathian chimhnak aww voikhat hmanh na theih rih lo ahcun Pathian fa nan si rih lo tinak asi.
Paruknak. Mang le Langhnak In Bia a kan Chimh. Act 2:17 “Ni hmanung bik ah cun mi vialte kha ka Thlarau ka toih hna lai. Nan fapa hna le nan fanu hna nih bia (Prophecy) an chim lai; Nan tlangval hna nih langhnak an hmuh lai i Nan tar hna nih mang an manh lai.( #Joel 2:28) Daniel, Joseph, Peter, Paul le Johan etc…Mang le langhnak in Pathian nih bia a chimh hna.
Pasarihnak. Pawngkam hmang in bia a kan chimh. Coronavirus te hna Ral te hna hi Pathian Aw asi kho. Na innpa in siseh na pawngkam thil cangmi hna zong hi Pathian Aw an si kho ko.( Pathian nih a phunphun in bia a kan chimh.Harnak, Lawmhnak,Zawtnak, damlonak le thihnak etc….hna zong hi Pathian nih bia a kan chimh mi Pathian Aw asi kho ko.
BIADONGHNAK. Khuaruahhar le ngaihchia ngai asimi cu Khrihfa zumtu le Pastor te tampi nih Pathian aw/bia theih khawh asi ti lo. Baibal lawnglawng in Pathian nih bia a kan chimh cang, Pathian he direct in i chonh khawh asi tilo an ti tawn. A sullam cu Pathian bia cu Bible lawngin (indirect) theih khawh asi tinak asi hnga (Pathian cu a holh ti lo. dai tein aum cang tinak asi hnga) Bia timi hi Greek ah phunhnih in aum.
Logos le Rhema ansi. Logos cu ca in t’ialmi (writen word) Bible asi i, Rhema cu bia in chimmi (Spoken Word) asi. Tuchan zongah Pathian nih Ca in Tialmi Bible (Logos) in siseh Chimmi bia (Rhema) in siseh Bia a kan ruah ko tihi kan zumh a herh.Pathian nih Bia a kan chimh tik ah kan thinlung hngalhnak (Instinct) nih fiang rilrel tein a theih.
Pathian nih bia a kan chim mi cu Logos (Bible) he aa kalh lai lo. Bible na rel sawsawh mi khi Pathian bia na rel asi..Thlarau nih fiangnak an pekmi kha Pathian nih Bia an chimh asi. Bible cu a donghnak biakhiah tu kan nunnak lam asi. Pathian Aw ngai thiam hna usih. Amos Thang Cin
Leave a Reply