BAWIPA NIH THANTLANG UM KAN RALKAP HIM TEIN A CHIAH HNA

Jet Fighter Nih Thantlang Ah Bomb A Thlak! Nizan February ni 7, zan 11:30PM hrawng ah SAC raltuknak Jet Fighter nih Thantlang um Chin ralkap bomb a thlak hnawh hna, tiah theih a si.

Zahan suimilam 9:40PM hrawng ah voi khat a ra i a kir ṭhan, 11:30PM ah a rak zuang ṭhan i Thantlang siizung thlanglei ah bomb voi khat a thlak, Chin ralkap kan him dih,” tiah a hmunhma ummi pakhat nih The Chin Post ah a chim.

Thawngpang dang. Sagaing Peng Ah PDF Nih Palik 5 An Thah Hna.Sagaing ramṭhen, Sagaing peng, Nguangpinwun palik sakhan in a chuakmi palik 7 kan kah hna caah 5 an thi, 2 hliamhma fak ngai an pu, tiah Moe Nyo Revolution Force – MNRF nih an langhter.

February ni 7 ah Nguangpinwun palik sakhan in a chuakmi palik 7 cu, bomb in puahhnawh an ton hnu ah hriamngan le meithal in kah an ton caah 5 an thi. Palik 2 zong fak ngaiin hliamhma an pu i 40mm lung 4, 60mm lung 2 le 80mm lung 2 in PDF nih an kah hna, tiah theih a si.

Cu kahdohnak ah Moe Nyo Revolution Force – MNRF, Local Defence Force of Dragon le Daung Sagaing Region People Defence Force hna i bawm in an kah hna, tiah theih a si.