GOOD NEWS. CDF NIH RALHRANG MEITHAL ZUN 2 AN LAK

Zotung Ram Kahdohnak ah SAC Ralhrang Meithal 2 CDF-Zotung nih an Lak. Nihin February 8 ah Matupi peng, Zotung hmunram ah kahdohnak pehzul in a chuak i, CDF-Zotung nih SAC ralhrang meithal 2 an lakpiak khawh hna.

Nihin chun suimilam 12 in chunhnu suimilam 2 tiang CDF-Zotung le SAC ralhrang karlak kahdohnak voi tampi a chuak i, SAC ralhrang lei sunghzatlaknak a tam pin ah meithal zun 2 kan lakpiak khawh hna,” tiah CDF-Zotung nih thawngpang theihternak an tuah.

Zotung hmunram ah SAC ralhrang cawlcanghnak a um peng rih caah kahdohnak hi pehzul in a chuak kho. Cucaah, mipi umkal i ralrin ding in CDF-Zotung nih theihternak zong an tuah chih. February 4, Zotung hmunram kahdohnak zong ah SAC ralhrang 10 an thi i, khuami minung 10 cu SAC ralhrang nih ralkhamnak phaw ah an i hruaih hna. Credit: The Chin Journal

Cabia dang. Laimi Unau Sin Cakuat. Unau pa/nu Bible ca (Pathian Bia) original holh Hrew Holh (Biakam hlun) le Greek Holh (Biakam thar) an tialnakmi thilri hi Cauk/Catlap cungah asi lo dahkaw, ziah Bible Sianginn ah na cawn i cauk phunphun ah na rel bal lo maw? Bible original an tialnakmi cu Moses nih (Lungtlap cungah) a dang Biakam Hlun tialtu Prophet pawl le Biakam Thar tialtu vialte nih Saphaw cungah an tial dih tung.

Atu zongah hmuh na duh ahcun Israel ram Dead Sea Scrolls Museum le Italy ram Rom khua Museum hna ah na zoh khawh rih ko dahkaw. Ziah hme nangmah duh in Cauk/Catlap cungah tialmi thengmang lawngah Bible Bia hi hmual a ngei i IPad le IPhone te pawl cungah tialmi Bible ca( Parthian Bia) hi hnual a ngei lo na ti khawh ee.

Khuaruahhar in..Zeipaoh hi a chan kalning in thlen le tial asi caah Lungtlap in Saphaw ah, cun Saphaw in Cauk/Catlap ah, cun atuchun fim chan, technology chan ah Cauk/Catlap in IPad le IPhone cungah Bible Ca (Pathian Bia) cu tial asi i, cu lawng hmanh siloin Zumtu nun ahcun minung nih hmuh khawhmi thilri pawl cung lawng hmanh ah si ti loin Minung kan Thinlung chungah Thiang Thlarau nih Pathian a Bia cu hlan i Lungtlap cung lawngah rak tialmi cu a tial cang (2Kor. 3:3-4; Heb.10:16; Jer..31:33; Eze.36:26).

Cucaah, na Lairuahnak le thluakin Cauk/Catlap cungah tial lomi Bible Bia le ca cu hmual angei lo na ti lengmangmi hi nangmah ruahnak sawsawh lawng dahkaw asi.Bible Bia le ca (Pathian Biatak) cu khuazeika hmun le thilri ah an tial zongah asullam le ahmual ngeihnak kha aa thleng bal lo. Nangmah naa ziakmi le na duh tukmi Cauk/Catlap cungah aa tial pek, cun na hman thiam tuk lomi le naa ziak tuk lomi iPad le iPhone le computer cungah aa tial pek ah Pathian Biatak cu aa thleng bal lo i hmual a ngei peng ko.

Cucaah Cauk/Catlap cungah thialmi thengmang lawng kha a hman timi na ruahnak bite he khan midang kha biaceih lengmang duh hna hlah. Thil a hmu kho le cawnnak kau a ngeimi caah cun zangfah ngai ah an in ruah sual lai.Nangmah tu kha iPad le iPhone le Computer cung i aa thilmi Bible Bia le ca kha hman thiam i zuam ve. Zeicahtiah iPad ahcun Bible ca pakhat te lawng hmanh si loin voikhat le pakhat te ah awl tein Bible biafang na fian khawhnak caah an bawmtu cauk phun tampi, Bible Dictionary, Encyclopedia, Commentary, Bible study books,

Theological books, Original Bible languages, Devotional books le Academic books pawl tampi Volume million in naa khen khawh lai i na thawngtha chimmi zong kha ca cawng lo pawl le ca rel lo pawl lawng nih i lungjmuih siloin ca cawng le ca rel le cawnnak sang a ngeimi khuaruat kho pawl zong nih an i hlawkpi deuh lai. Lai Bible Cauk or Mirang Cauk/Catlap cung i thialmi lawng kha naa tlaih peng ahcun atu na ziaza na sining bantuk te hin Pathian Biatak kha na tawlh in a pingah na kalpi peng sual lai.

Bible ca (Pathian Bia) cu zeibantuk thilri cungah aa tial zongah cun a kengtu nih Lungtlap in a ken pek, Saphaw in a ken pek, Cauk/Catlap in a ken pek, iPad le iPhone in a ken pek hmual a ngei peng i asullam aa thleng ballomi Biatak asi kha philh lai cih.
Cucaah, unau pa/nu Biatak tu kha buaipi law, mi nunnak a thleng kho lomi thilri ah khan buai duh ti hlah.Dawtnak le zawnruahnak nganpi he, Na unau pa Robert T. Zam (Laimi)Bawipa thluachuah in pe chin chin seh!