Nizan February ni 7 kahdohnak ah ralhrang kawlralkap minung 58 an thi. Rampi huap February ni 7 ralhrang kawlralkap le mipi ralkap i kahnak ah ralhrang kawlralkap minung 58 an thi tiah mipi ralkap hna nih thawngthanhnak an tuahmi chungin theih a si.
Thawngpang tthatuk a simi cu Nizan rampii huap hmunkip kaakip i kahnak ah mipi ralkap lei in a thimi pakhat hmanh an um lo. I kahdohnak aa chuahnak hmun le ralhrang a thimi zat hna cu, Sagaing ramthen Tanhse peng kahdohnak ah ralhrang kawlralkap minung 17 an thi.
Cun Sagaing ramtthen thiamthiam Kalaymyo kahdohnak ah ralhrang 5 an thi i, Sagaing peng kahdohnak ah ralhrang 5 an thi tthan. Culawng siloin Magway ramthen Pauh peng kahdohnak ah ralhrang kawlralkap minung 11 an thi. Magway ramthen tthiamthiam Pakuku le Yesacu lampi ah ralhrang 10 an thi rih.
Cun Yesacu peng thiamthiam ah ralhrang 5 an thi i, Myang peng ah ralhrang kawlralkap minung pahnih an thi rih. Culawng siloin Pekhu ramthen Yehtasi peng kahdohnak ah ralhrang kawlralkap pahnih le Auhphu pengah ralhrang kawlralkap minung pakhat athi. Ralhrang kawlralkap a thimi dihlak minung 58 an si.
Thawngpang dang.Turkey le Syria lihninh ruangah minung 7800 an thi cang. Turkey thlanglei le Syria chaklei ah Lihninh ruangah a nunnak a liammi minung 7800 an si tiah theih a si. Turkey ramchung lawng hmanh ah a nunnak a liammi hi a tlawmbik minung 5894 an si cang.
Cun Sirya ah a nunnak a liammi hi minung 1932 an si ve cang. Hi konghe pehtlaiih WHO nih a chimmi cu a nunnak a liammi hi minung thong 20 zong an phan kho te men lai tiah lihninh ruangah a thimi konghe pehtlaiin an zumhnak an langhter chih.
Leave a Reply