RIP. CDF RALBAWI SALAI TING LUN NIH A NUNNAK A PEK TTHAN E

CDF-Zotung Ralkap Pakhat nih Ram le Miphun Ca Ah Nunnak A Pek!CDF-Zotung ralkap Salai Ting Lwin cu Matupi peng chung kahdohnak ralram hmun pa khat ah a nunnak a liam, tiah CDF-Zotung nih an thanh. Dohthlennak le ram le miphun ca ah nunnak petu Ting Lwin upat peknak le taantakmi chungkhar ngaihchiat pinak cathanh cu nihin February 8 ah CDF-Zotung nih an chuah.

Relchap. Tlaihmi SAC Ralhrang Chungtel Minung 3 Cu An Zam Ca Ah An Kah Hna.Magway, Gangaw pengkomh ah Yaw Revolution Army-HtiLin nih gate an check nak ah an tlaihmi hna SAC ralhrang chungtel pa pahnih le nu pakhat cu an zam ca ah kan kah hna tiah HtiLin an hruaitu Takhin Zaw (သခင်ဇော်) nih a chim.

Nizan ah kan uknak tang ummi gate pakhat ah zumhlomi pa pakhat le nu pakhat cu check nak kan tuah hna i nupi kan fir tiah a phunphun in an kan hlen. Nain a hnu ah SAC ralkap an sinak le nu cu Pyosawhti chungkhar a si nak kong an phuan ṭhan. Rawl ṭha tein kan pek hna i kan kalpi hna lio ah an zam ca ah kan kah hna” tiah a chim.Minung pahnih cu a hmun ah an thi colh i minung pakhat cu kuanhma an thloppiak lio ah a thi ve tiah theih a si.

Thawngpang dang.Zotung Ram Kahdohnak ah SAC Ralhrang Meithal 2 CDF-Zotung nih an Lak. Nihin February 8 ah Matupi peng, Zotung hmunram ah kahdohnak pehzul in a chuak i, CDF-Zotung nih SAC ralhrang meithal 2 an lakpiak khawh hna.

Nihin chun suimilam 12 in chunhnu suimilam 2 tiang CDF-Zotung le SAC ralhrang karlak kahdohnak voi tampi a chuak i, SAC ralhrang lei sunghzatlaknak a tam pin ah meithal zun 2 kan lakpiak khawh hna,” tiah CDF-Zotung nih thawngpang theihternak an tuah.

Zotung hmunram ah SAC ralhrang cawlcanghnak a um peng rih caah kahdohnak hi pehzul in a chuak kho. Cucaah, mipi umkal i ralrin ding in CDF-Zotung nih theihternak zong an tuah chih. February 4, Zotung hmunram kahdohnak zong ah SAC ralhrang 10 an thi i, khuami minung 10 cu SAC ralhrang nih ralkhamnak phaw ah an i hruaih hna.