SYRIA LE TURKEY AH A THIMI AN TAM CHIN LENGMANG CANG

Turkey le Syria lihninh ruangah minung 7800 an thi cang. Turkey thlanglei le Syria chaklei ah Lihninh ruangah a nunnak a liammi minung 7800 an si tiah theih a si. Turkey ramchung lawng hmanh ah a nunnak a liammi hi a tlawmbik minung 5894 an si cang.

Cun Sirya ah a nunnak a liammi hi minung 1932 an si ve cang. Hi konghe pehtlaiih WHO nih a chimmi cu a nunnak a liammi hi minung thong 20 zong an phan kho te men lai tiah lihninh ruangah a thimi konghe pehtlaiin an zumhnak an langhter chih.

Relchap thawngpang dang. Sagaing Peng Ah PDF Nih Palik 5 An Thah Hna.Sagaing ramṭhen, Sagaing peng, Nguangpinwun palik sakhan in a chuakmi palik 7 kan kah hna caah 5 an thi, 2 hliamhma fak ngai an pu, tiah Moe Nyo Revolution Force – MNRF nih an langhter.

February ni 7 ah Nguangpinwun palik sakhan in a chuakmi palik 7 cu, bomb in puahhnawh an ton hnu ah hriamngan le meithal in kah an ton caah 5 an thi. Palik 2 zong fak ngaiin hliamhma an pu i 40mm lung 4, 60mm lung 2 le 80mm lung 2 in PDF nih an kah hna, tiah theih a si.

Cu kahdohnak ah Moe Nyo Revolution Force – MNRF, Local Defence Force of Dragon le Daung Sagaing Region People Defence Force hna i bawm in an kah hna, tiah theih a si.