BREAKING NEWS. RALHRANG NIH THANTLANG AH THAAZAANG AN CHAP CANG

Thantlang ah ralhrang nih hriamnam thaazaang an chap cang. Ralhrang kawlralkap Helicopter pathum hna cu nihin February ni 9 zanlei suimilam pali hrawngah Thantlang khuapi lei panh in a zuang. Minung thaazaang le hriamnam thaazaang an chap tiah mithmutu hna nih an chim.

Ralhrang Helicopter pathum chungah pahnih hi MI-17 an si i, pakhat hi Mi-35 raltuknak helicopter a si tiah Chinland Scout Network nih an langhter. Nihin thiamthiam ah ralhrang kawlralkap hna nih Thantlang peng Lungler ralhrang kawlralkap sakhan ah bomb an thlak.

Cu lawng siloin Thantlang peng Tlangpi pawngah a ummi CNA sakhan hme pakhat zong bomb in voili an thlak. Asinain bomb hi pathum lawng a puak. Ralhrang kawlralkap bomb thlaknak ruangah CNA lei in a nunnak a liammi le hliamtuar mi an um le um lo theih asi lo.

Relchap. Hmandaw, Kalay peng khua i a ummi Pu Hram Mang (Ka tunu pa) cu ralhrang nih zaamtim 11 hrawngah an nupa in an inn ah an luhhnawh hna. A ruang um huaha loin meithal in zun 15 tluk in an kah colh hna, an nu cu a rak tuk ning hi ngaih ngam hmanh a si lo, tiah inn pa nih an ti.

Ralhrang nih cun an inn ning piin an nupa cun an khangh lawlaw hna i an kal tak hna. Tunai te kha khuami tlawmngai pawl nih a kang thlu lomi an ruak cu Saphu thlanmual ah an vui ka bak asi.Pu Hram Mang hi CDF le PDF zong a si bal bak lomi asi, tiah khuami nih an chim. An kahnak le an thahnak ruang hi kn thei kho lo zeiruang ko ah hme asi hnga an ti len! Credit: Chelsea Bawi.