BREAKING NEWS. RALHRANG NIH TLANGPI BUARPI CAMP AN KAH

Breaking News.Tlangpi Buarpi Camp Ah SAC Ralkap Nih Jet Fighter Hman. Nihin February ni 9 zinglei suimilam 8AM in 9AM kar hrawng ah SAC Jet Fighter nih Thantlang peng Tlangpi, Buarpi Camp ah bomb voikhat a thlak tiah kan theih. Hliamhmi le aa khawngdengmi an um le um lo theih a si rih lo.Thawng fiang thanh khawh ṭhan kan van i zuam lai. Credit: The Chin Post.

Relchap.Thantlang ralhrang palik sakhan cu CNA le CDF nih an lak khawh. Lungler sakhan ralhrang nih vanlong in an kah. Chin ramkulh Thantlang khuachung ah a ummi ralhrang palik sakhan cu nizan ah CNA le CDF nih an lak khawh tiah theih a si. Nizan February ni 8 zanlei suimilam 10 ah

Thantlang zunghmunn sang ah a ummi ralhrang palik sakhan cu CNA le CDF nih zinglei suimilam pakhat tiang an kah hna hnu ah an lak khawh hi a si, Thantlang palik sakhan an lak hnu zinglei suimilam 7:40 ah lungler ralkap sakhan tthing cu ralhrang nih raltuknak vanlong in bomb an thlak tiah khuami pakhat nih a chim.

Raalhrang palik sakhan laknak ah CNA ralkap in minung pakhat nih ram le miphun caah a nunnak a pek. Sakhan laknak ah ralhrang kawlralkap lei in a tlawmbik minung pali an thi tiah theih a si. Atu zong Thantlang lei panh in ralhrang kawlralkap hna cu Hakha in an i thawh pin ah Thantlang cung ah vanlong zong a zuang tiah theih a si.

Nizan Sakhan laknak ah ram le miphun caah a nunnak a liammi hi CNA ralkap Salai Khup Lian Thang a si i, Amah nih a rak timi cu thisen tampi luan hnu ah kan ram ai thlen ding a si cun ka thisen luang ve cang ko seh tiah a rak ti. Upatnak sangbik kan in pek pasaltha.

Thantlang ralhrang sakhan an lakmi ah meithal zun 40 hrawng le bomb le kuan tibantuk cun drone kahnak hriamnam tam ngai CNA le CDF nih an lak khawh. Ralhrang umnak sakhan zong CNA le CDF nih an khangh tiah an langhter chih.