Kalaymyo Ah Lautu Khrihfabu Pastor Fapa SAC Ralkap Nih An Kah Caah A Nunnak Liam
Sagaing ramá¹hen, Kalaymyo Taungzalat sang Naymyay 7 ah a ummi SAC ralkap nih nihin February nin9, zanlei suimilam 6:00PM hrawng Anawyahta hleidonh cung ah tualchung mi pakhat an kah caah a nunnak a liam tiah tualchung mi hna nih an chim.
“Lampi hleidonh pawng ah a á¹humi tualchung mi pakhat cu a lu ah SAC ralkap nih an kah caah hmakhatte ah a nunnak a liam” tiah min langhter a duh lomi tualchung mi pakhat nih a chim.
SAC ralkap kut in a nunnak a liammi hi Lautu Khrihfabu pastor fapa Bil Thang (Bibi) kum 19 a si tiah theih a si.
SAC ralkap kahnak ruang ah nunnak a liammi caah á¹uanvo laakpiak ding in SAC ralkap an umnak zung ah kalhnawh lioah SAC ralkap nih van lei hoih in meithal an puah minung á¹hennak an tuah caah an kir á¹han hna tiah a chimchap.
Meithal a thlahtu ralkap hi cazin-sit(စာရင်းစစ်ရုံ) zung ah a ummi ralkap an si i, zan ah zurit in an pawngkam ah meithal an puah/thlah tawn tiah a chimchap.
Kalaymyo ah nihin February ni 9, zanlei suimilam 5:00PM hrawng in Taungzalat sang ummi SAC ralkap nih hriamngan le hriamhme he voi tam ngai an thlah tiah Taungzalat sang ummi pakhat nih a chim. Credit-Thechinpost
Leave a Reply