NUNNAK LIAMMI KA HAWI LE UPATNAK SANG BIK KAN PEK HNA

Kan i nuamh caan ah ngaihchiatnak nih a kan tlunh .Kan ngaihchiat caan ah lawmhnak nih a kan tlunh.THIH CU KAN LEIBA. Nunnak thaw a ngeimi poh hi a tuan le a tlai lawngte kan si dih; A zeiti si khom ah kan biak Pathian le mipi tel lo in cun kan si kho hrimhrim lo ca ah atu nakin nan kan dirhkamh nan kan tanpi zungzal naklai kan herh ko.

Nunnak hrapcheu pek cia in kan pasaltha taktak hna nih an nun an thap, thi ding an/kan si an/kan i thei. Thi ding ciocio ah miphun le ram ca ah THI ding in thantar le kuan seh in bia ai kammi cio kan si. Mipi kan in bochan hna,Mipi nan cung ah kan i lawm .Mipi nan cung ah kan i lawm hringhran.

Uknak tha lo doh ruang ah nunnak liammi kan hawi le hna nih pakhat te lawng an ngeih mi an nunnak an sungh hi ngaihchia in an um lai lo an i lawm hrimhrim lai. A nungdam rih mi kanmah tu nih tan laa chin ko usihlaw…Uknak tha lo kan doh zungzal lai,Uknak tha lo kan tei hrimhrim lai. Nunnak liammi ka hawile upatnak sang bik kan pek hna. Credit: Salai Tluangte

Ngaihchiatnak thawng. Kalaymyo Ah Lautu Khrihfabu Pastor Fapa SAC Ralkap Nih An Kah Caah A Nunnak Liam.. Sagaing ramṭhen, Kalaymyo Taungzalat sang Naymyay 7 ah a ummi SAC ralkap nih nihin February nin9, zanlei suimilam 6:00PM hrawng Anawyahta hleidonh cung ah tualchung mi pakhat an kah caah a nunnak a liam tiah tualchung mi hna nih an chim.

Lampi hleidonh pawng ah a ṭhumi tualchung mi pakhat cu a lu ah SAC ralkap nih an kah caah hmakhatte ah a nunnak a liam” tiah min langhter a duh lomi tualchung mi pakhat nih a chim.SAC ralkap kut in a nunnak a liammi hi Lautu Khrihfabu pastor fapa Bil Thang (Bibi) kum 19 a si tiah theih a si.

SAC ralkap kahnak ruang ah nunnak a liammi caah ṭuanvo laakpiak ding in SAC ralkap an umnak zung ah kalhnawh lioah SAC ralkap nih van lei hoih in meithal an puah minung ṭhennak an tuah caah an kir ṭhan hna tiah a chimchap.Meithal a thlahtu ralkap hi cazin-sit(စာရင်းစစ်ရုံ) zung ah a ummi ralkap an si i, zan ah zurit in an pawngkam ah meithal an puah/thlah tawn tiah a chimchap.

Kalaymyo ah nihin February ni 9, zanlei suimilam 5:00PM hrawng in Taungzalat sang ummi SAC ralkap nih hriamngan le hriamhme he voi tam ngai an thlah tiah Taungzalat sang ummi pakhat nih a chim.