RALHRANG KAWLRALKAP VANLONG PAWL CDF NIH A HLEN DIAM HNA

CDF Nih Ralhrang Vanlawng An Hlen Hna.Ralhrang nih spy plane in CNA-CDF umnak caansaupi cungsangpi bakin a ngiat nak a si cang. Cucu ralhrang jet fighter mawngtu (pilot) sinah teh report a pek ko lai Thantlang police station an lak bakin bomb voihnih an vun thlak hna. Zeitin an ti kho ti lo i Lungler CDF sakhan a va thlak rih, Lungler CDF sakhan khu vuaimai in a kahmi cu an chuaktak mi kha a rak si ziar.

Spy plane nih report a pekmi kha CDF nih an rak hlen khawh ti khawh a si, Pathian riantuannak zong cu a si lai cu.Ralhrang spy vanlawng nih a ngiat zungzal lai, a ruang cu CNA/CDF um hmun theihlo/fianlo cun kah khawh a si lo caah. Cutikah tubantuk CDF nih an hlen khawhmi hi thil biapi tuk asi. Sakhan tampi ralhrang vanlawng hlennak ah ngeih ding asi.

Cun khur nan cawhmi zong hi tunak tha deuh in nan tuah ah a tha men lai, a chuahnak hlet zong tuah chih kho ulaw a tha ngai. Khurcung bomb nih a khen i chilh nan ton sual zongah thawchuahnak ding pipe kha chia kho ulaw, cun tuhmui le thirthulh zong a cimh sual ah tuah rakrinnak ah i chiah ko u khỉ chungah.

Ralhrang hi milu an tlawm cang pin ah zeitihmanh in kee ralkap cu an rất khawh lai zumh a um rih lo caah vanlawng lawngte a hman lai zumh a um. Cutikah vanral nan i ven khawhnak dingah timhlamhnak tha nan ngeih ah a tha ko lai. Credit: Chelsea Bawi

Salai Htet Ni: India-Myanmar Ramri Humhimnak Kong Ah Thinphan Awk A Um Lo.Chin ramkulh, Thantlang khua um SAC ralkap sakhan cu drone in kah an ton lengmangnak cung ah India-Myanmar ramri cu India ram ca ah thinphan awk zeihmanh a um lo, tiah CNF chimphuannak nawlngeitu Salai Htet Ni nih a chim.

CNA le CDF nih India le Myanmar ramri ah a ummi SAC ralkap sakhan cu drone in an kah tawn hna caah India ramri le Mizoram lei humhimnak a hnursuan khawh caah kan thin a phang, tiin The Asian Age ah February ni 7 ah an thinphannak an langhter.

A luancia February ni 3 ah CNA le CDF nih Thantlang palik sakhan cu drone in an rak kah. Cu an kahnak hmun cu The Asian Age nih a langhter ning ah India ram nichuahlei ralkap an umnak he meng 6 in 9 kar a hlatnak ah a umnak a si, tiah an langhter.

Salai Htet Ni nih cun, “India ram ca ah thinphan awk zeihmanh a um lo. Ramri ah drone in kan kap bal hna lo, khuachung lawng ah kahdohnak kan tuah. SAC ralkap zong ramri tiang cu an phan kho lai lo,” tiah RFA ah a chim.February ni 1 zong ah Hakha CDF nih SAC ralkap umhmun an khuarnak 266 rungtlang sakhan cu drone in bomb an rak thlak, tiah theih a si.