RALHRANG NIH PU HRAM MANG AN THAH HNU AH AN INN AN KHANGH

Hmandaw, Kalay peng khua i a ummi Pu Hram Mang (Ka tunu pa) cu ralhrang nih zaamtim 11 hrawngah an nupa in an inn ah an luhhnawh hna. A ruang um huaha loin meithal in zun 15 tluk in an kah colh hna, an nu cu a rak tuk ning hi ngaih ngam hmanh a si lo, tiah inn pa nih an ti.

Ralhrang nih cun an inn ning piin an nupa cun an khangh lawlaw hna i an kal tak hna. Tunai te kha khuami tlawmngai pawl nih a kang thlu lomi an ruak cu Saphu thlanmual ah an vui ka bak asi.Pu Hram Mang hi CDF le PDF zong a si bal bak lomi asi, tiah khuami nih an chim. An kahnak le an thahnak ruang hi kn thei kho lo zeiruang ko ah hme asi hnga an ti len! Credit: Chelsea Bawi.

Thawngpang dang. India-Myanmar Ramri Humhimnak Kong Ah Thinphan Awk A Um Lo.Chin ramkulh, Thantlang khua um SAC ralkap sakhan cu drone in kah an ton lengmangnak cung ah India-Myanmar ramri cu India ram ca ah thinphan awk zeihmanh a um lo, tiah CNF chimphuannak nawlngeitu Salai Htet Ni nih a chim.

CNA le CDF nih India le Myanmar ramri ah a ummi SAC ralkap sakhan cu drone in an kah tawn hna caah India ramri le Mizoram lei humhimnak a hnursuan khawh caah kan thin a phang, tiin The Asian Age ah February ni 7 ah an thinphannak an langhter.

A luancia February ni 3 ah CNA le CDF nih Thantlang palik sakhan cu drone in an rak kah. Cu an kahnak hmun cu The Asian Age nih a langhter ning ah India ram nichuahlei ralkap an umnak he meng 6 in 9 kar a hlatnak ah a umnak a si, tiah an langhter.

Salai Htet Ni nih cun, “India ram ca ah thinphan awk zeihmanh a um lo. Ramri ah drone in kan kap bal hna lo, khuachung lawng ah kahdohnak kan tuah. SAC ralkap zong ramri tiang cu an phan kho lai lo,” tiah RFA ah a chim.February ni 1 zong ah Hakha CDF nih SAC ralkap umhmun an khuarnak 266 rungtlang sakhan cu drone in bomb an rak thlak, tiah theih a si.