SAC Ralkap Hriamngan Thlahmi Anmah Lei A Tlak Caah 5 An Thi, Hliamtuar An Tam
Shan-Kaya ramri Pekhon peng Mobye, Satdawya khua ah umhmun khuarmi SAC ralkap le tualchung hriamtlai phufonh kar February ni 8, zinglei suimilam 9:00AM in zanlei suimilam 4:30PM tiang kahdohnak a chuak tiah Mobye People Defence Force nih cathanh a chuah.
SAC nih Mobye le a pawngkam hrawng khua ah Tank pakhat le a ralkap minung thazaang a chap. February ni 8, a cangmi kahdohnak ah Mobye hrambunh khahmahyiah 442, Wayisoepalai(ဝါရီဆူးပလိုင်း) ah umhmun khuarmi SAC ralkap nih hriamngan in kah an bawmh hna tiah an thanhmi ah an langhter.
Kahdohnak chung ah hmun dang um SAC ralkap nih an thlahmi cu anmah lei SAC ralkap hna sin ah a tlak caah SAC ralkap 5 an thi, tampi nih hliamhma an tuar tiah theih a si.
Kaphnih kar i kahdohnak ah SAC ralkap hna cu tualchung hriamtlai Mobye PDF, Loikaw PDF, KNDF-B03 phufonh nih an kahdoh hna. Tualchung hriamtlai phufonh lei hliamhma tuarnak um loin hnu an tolh kho ṭhan tiah an cathanh chuahmi ah an langhter.
A luancia February ni 4, Pekhon-Mobye hmunhma ah rallam sialtu SAC ralkap le tualchung hriamtlai phu kar kahdohnak ah SAC ralkap 15 an rak thi tiah theih a si.
Ayeyarwaddy Times
Leave a Reply