RIP. AA THANG NIH A RAK CHIM MI, KA THISEN LUANG VE CANG SEH

Thantlang ralhrang palik sakhan cu CNA le CDF nih an lak khawh. Lungler sakhan ralhrang nih vanlong in an kah. Chin ramkulh Thantlang khuachung ah a ummi ralhrang palik sakhan cu nizan ah CNA le CDF nih an lak khawh tiah theih a si. Nizan February ni 8 zanlei suimilam 10 ah

Thantlang zunghmunn sang ah a ummi ralhrang palik sakhan cu CNA le CDF nih zinglei suimilam pakhat tiang an kah hna hnu ah an lak khawh hi a si, Thantlang palik sakhan an lak hnu zinglei suimilam 7:40 ah lungler ralkap sakhan tthing cu ralhrang nih raltuknak vanlong in bomb an thlak tiah khuami pakhat nih a chim.

Raalhrang palik sakhan laknak ah CNA ralkap in minung pakhat nih ram le miphun caah a nunnak a pek. Sakhan laknak ah ralhrang kawlralkap lei in a tlawmbik minung pali an thi tiah theih a si. Atu zong Thantlang lei panh in ralhrang kawlralkap hna cu Hakha in an i thawh pin ah Thantlang cung ah vanlong zong a zuang tiah theih a si.

Nizan Sakhan laknak ah ram le miphun caah a nunnak a liammi hi CNA ralkap Salai Khup Lian Thang a si i, Amah nih a rak timi cu thisen tampi luan hnu ah kan ram ai thlen ding a si cun ka thisen luang ve cang ko seh tiah a rak ti. Upatnak sangbik kan in pek pasaltha.

Thantlang ralhrang sakhan an lakmi ah meithal zun 40 hrawng le bomb le kuan tibantuk cun drone kahnak hriamnam tam ngai CNA le CDF nih an lak khawh. Ralhrang umnak sakhan zong CNA le CDF nih an khangh tiah an langhter chih.

Thawngpang dang. Tlaihmi SAC Ralhrang Chungtel Minung 3 Cu An Zam Ca Ah An Kah Hna.Magway, Gangaw pengkomh ah Yaw Revolution Army-HtiLin nih gate an check nak ah an tlaihmi hna SAC ralhrang chungtel pa pahnih le nu pakhat cu an zam ca ah kan kah hna tiah HtiLin an hruaitu Takhin Zaw (သခင်ဇော်) nih a chim.

Nizan ah kan uknak tang ummi gate pakhat ah zumhlomi pa pakhat le nu pakhat cu check nak kan tuah hna i nupi kan fir tiah a phunphun in an kan hlen. Nain a hnu ah SAC ralkap an sinak le nu cu Pyosawhti chungkhar a si nak kong an phuan ṭhan. Rawl ṭha tein kan pek hna i kan kalpi hna lio ah an zam ca ah kan kah hna” tiah a chim.Minung pahnih cu a hmun ah an thi colh i minung pakhat cu kuanhma an thloppiak lio ah a thi ve tiah theih a si.