CHIN RALKAP, KAN RALKAP HNA CAAH A BIAPI TAKTAK MI A SI

Chinram Le Helicopter. Chinram ah Helicopter an hun zuan tikah khoika in an rat timi hngalh hi Chin hriamtlai hna ca ah a biapi ngaingai ve. NAH-MAH-KHA Monywa hi Burma ram nitlak chaklei ralkong tlaitu Division a si. Hi ahhin helicopter tual an ngei i Mi-17 le Mi-35 phun hnih in a chiah hna.

A fawinak in Chinram nithlanglei hna hi Monywa in minung/thil thumh le kahpiak nak a tuah tawn. Kalay Airport cu ralhrang nih ral vanlawngbual ah a thlen cang. Mi-17, Mi-35 hna hi stand-by in a chiah khawh hna. ATR-42 MPA ti mi mingiatu vanlawng, thilphur vanlawng Y8 phun le Beech 1900D phun hi Kalay Airport ah an tum lengmang.

Vanlawng petrol, hriam, tirawl, sii-ai le minung thumh/lak a tuah biknak hmun a si. Cu ca ah Chinram ralhrang chapnak, hriam chapnak ah a biapi bik hi Kalaymyo Airport a si ca ah ngiatthlainak tha ngaingai kan tuah a herh ko cang. Team-CSN

Thawngpang dang.Taze Peng Ah SAC Ralkap Sakhan Cu PDF Nih An Kah Caah SAC Ralkap Le Pyusawhti 30 Leng An Thi, PDF 2 An Nunnak Liam.Sagaing ramṭhen, Taze peng Inkukar khua um SAC ralkap sakhan cu PDF nih kan kah hna caah SAC ralkap le pyusawhti 34 an thi, kanmah lei in 2 an nunnak a liam ve, tiah an langhter.

February ni 9 zinglei ah Inkukar khua ah umhmun a khuarmi SAC ralkap le pyusawhti sakhan cu PDF nih an va kah i, sakhan an laak pin ah SAC ralkap le pyusawhti 30 hrawng an thi, PDF 2 an nunnak a liam ve, tiah theih a si.Cu kahdohnak ah Shwebo pengkomh Battalion 25, 6,9, 12 le Taze Pah Kah Phah hna i bawm in an kah hna, tiah theih a si.

Cu pinah Taze peng, Taze pumpululh certual le GAD zung ah hmun a khuarmi SAC ralkap cu, Shwebo Battalion 25 Special Force le ṭangṭi phu hna nih an kah caah SAC ralkap 4 an thi i hliamhma pumi an tam, tiah theih a si.