Miphun Ralkap Hna Nih Thlualam Lam Lei Ah Meithal Zuun Hnih An Char .09.02.2023 – Zaanlei hnu ah Thlualam lam le Khua helnak lam ai tonnak(Thlanmual pawng) ah langta tamtuk i Miphun ralkap hna nih an lunghrin caah drone in an zoh i ruak pakhat an hmuh, a ruak zoh tikah nili hrawng rauh dawh si cang.
Ruak an hmuhnak zawn hi 31.01.2023 zaan ah miner pawl nih mine an tarhnak zawn ah si i cu mine cu a rak pah. Minpi le VC ummi B1 zeimawzet hna nih 4:00pm hnu ah an va kal hnawh i hriamnam pahnih zong a rak um; G2 pakhat le lattthoh pakhat.CBN News
Thilsining an vun langhter.CNO/CNDF An Din Dan. 1 Febuary,2021 ah Min Aung Hlaing ho in mipi hnen in thuneihnak cu hriamhrei thahrum thawn in lak sak a si.Curuang ah Mino pawl hohanak in 7 Febuary,2021ni hi Chin huap duhphorhnak tuah ding khaw tinkim sawm aw a si.7 Febuary,2021 ah Falam khawsung minopawl in dictatorship duhlo ruangah duhphorhnak kan rak nei ve.
Cutin 9Febuary,2021 ah မြသွဲ့သွဲ့ခိုင် timi Naypitaw ah an kap thatmi thu kan thei.Nan, Mino pawl cu dungsip lo in duh phorhnak kan tuah rero thotho.Neta in cu upa,nu pa pawl tla tangkhawm in duhphorhnak ah an suak ve. (Ramkhel thiam tiaw belte cu an suak lo)
Pehzom in kan feh vivo ih khawpi lam pawl cu kah thatmi a tam vivo. Kaihmi tla a pung vingvo.
Falam khawsung tla kan au-aw a thang sinsin.28 Febuary,2021 ahcu Falam ahtla မျက်ရည်ယိုဗုံး thawn in kap ve. Minung pathum in kaih sak.(Tucu an suak theh sal zo)Nauhak pawl an thawi.Cumi hnu cun duhphorhnak tuah khalah theihtham in mi kan mal. Salai Pa Biak le David New Warrant an suah.
Falam khawsung ih mino hrekkhat tla warrant suah cu silo nan palik zung ah hmin langmi tete um tikah khawsung ah um ngam lo in lo thlamlak tete ah kan um.Hih dothlennak hi hriam kai a tul ngaingai thlang tin rampi mino nih ruat vek in Falam mino nih tla kan ruat.
28 Febuary,2021 inkap hnu hriam kan kai ve ding tin mino pawl kan then cat.Ram dang in bawmtu ding pawl thawn pehtlaihnak kan tuah.EAO pakhat hnen hriamhrei lei ding in David New le kan naupa pakhat kan thlah.(Kan remcang lo ah a cang) Meithal lei ding kan hawl phah.Hriam kan kai a sile hitin men in cu a ngah lo.
Ral kan do ngaingai ding tikah thupek ngai hi a poi mawh.Curuangah training kai ding in kan thencat.March,2021 ah CNF/CNA hnen training kai ding in minung (23) kan thlah.Cumi (23) ah minung (12) cu zarhhnih lawng kai ding kan dil ih zarh hnih kai theh in an hung kir sal.Atangmi pawl cu ni kim ten an kai ko.
Hriam le kan kai zo.Mi lolak tete ah ka um lai. Lailam pawl feh in nasatak sawmngiarnak kan tuah.Cumi ah thu pakhat a rung um. In bawmtu mipipawl,dothlennak in thinlung nei mifimpawl in Falam khawsung nanmah lawng din cu kan tha amal ding.Kan sumpai ngah tla amal ding.
Lairawn thawn le dothlennak ih tang zetzetmi Falam hmuahhmuah kom aw in hriamkai bu kan din tul timi thu a rung um.Mizoram,Champhai April thla ah meeting in ko.Falam in hotu lam mino (13) (ka hrelhmi um tla si thei) in meeting kan vung kai.Lairawn lam,Mizoram lam um mino le upa pawl an ra ve.
Kan duh dan kan rel khawm.Hmailam kekar tlang dan ding kan ruah aw khawm.Cutin 13 April,2021 ah CNO/ CNDF a rung ding suak a si.A dang saupi ka bet nawn lo dingPu No Than Kap dinmi a silo.Pu Thawm Mang dinmi khal a silo.Pu Lian luai ih din khal a silo.Cumi ee Khimi ee ih din a si hrimhrim lo.CNO/CNDF dungah zo a um?Mipi lawng an um ding.CNO/CNDF Parah zo an um?Mipi lawng an um.CNO/CNDF cu mipi riantu ding kan si.CNO/CNDF cu mipi ih dinmi a si. Cung Ngai ( CNO/CNDF SP)
Credit- This post First appeared on this Source Link
Leave a Reply