Ralhrang Uico Nih Thantlang Ah CNA/CDF nih an Lakmi meithal Kong Ah An Thluak An Chuah Mi

Chin Ralkap Nih Thantlang Palik An Meithal An Laakmi Vialte Cu Remh Hau Cangmi An Si Tiin SAC Nih Thawng An Thanh

Chin ramkulh, Thantlang khuachung um palik sakhan cu Chin ralkap nih February ni 9 ah an laak lioah palik pawl cu him tein hnu an kir, tiah SAC nih thawng an thanh.

February ni 8, zan sml 10:00PM in Chin hriamtlai phu nih palik sakhan cu an kah i February ni 9 zinglei sml 1:00AM hrawng ah an lak pinah meithal zun 40 leng le palik ruak 4 an laak, tiah theih a si.

Chin ralkap tam tuk nih Thantlang palik sakhan cu an luhhnawh i an laak ko nain palik pawl cu Thantlang khua um SAC ralkap sakhan ah him tein an vaa i fonh, tiah SAC nih an langhter.

Chin ralkap nih an laakmi meithal cheukhat cu remh a hau cangmi lawngte an si, tiah SAC nih thawng dik lo an thanh. Credit-Thechinpost