Myanmar Cu ASEAN Chungtel Sinak In Hlawt Ding In Malaysia Prime Minister Nih A Chim.SAC nih nawlngeihnak an laak hnu in Myanmar ramchung ah buaibainak a chuakmi nih, ASEAN ca ah hnahnawhnak a chuahter ruang ah Myanmar ram cu ASEAN chungtel sinak in chuah ding in Malaysia Prime Minister Anwar Ibrahim nih a chim, tiah theih a si.
Malaysia Prime Minister cu Thailand ram a tlawn lioah Thailand Prime Minister he tonnak an ngei i cu lioah atu bantukin a chim hi a si.Myanmar ram buaibainak kong ah ASEAN kan cawlcangh ning a hnursuan awk a si lo. Myanmar ralkap lehrulhnak ca ah ASEAN nih biafunnak kan tuah awk a si,” tiah Malaysia Prime Minister nih cun a chim.
Ram pakhat nih a ramchung ah a tuah awk ding rian a policy cu a um hrimhrim awk a si. Asinain atu lio vawleicung boruak hoih in ram pakhat nih a rammi hna cung ah hremnak, hrocernak le thahnawnnak tuahnak nawl a ngei lo, tiah a chim chap.Cu pin ah Malaysia Prime Minister nih, Thailand Prime Minister cu Myanmar ram buainak kong ah Thailand nih fak piin nan i zuam a hau tiah forhfialnak a tuah, tiah theih a si. TCP
PDF Nih Magwe SAC Vanralkap Hmunpi Le Hriamnam Sernak Hmun An Kah.Magwe khuapi ah a ummi SAC vanralkap hmunpi le hriamnam sernak hmun cu PDF nih an kah tiah theih a si. Feb 9 zan suimilam 11 in Feb 10 zinglei suimilam 1 karlak ah bomb in voi 5 an kah i bomb pathum cu vanralkap hmunpi chungah a tla i ṭha tein a puak tiah theih a si.
Kiangkap a ummi pakhat nih “Zan ah puahkeh thawng voi 4 kan theih, vanralkap hmunpi lei ah a si. Zingah cun khuapi chung dihlak ah SAC ralkap an khat dih.Vanralkap hmunpi kiangkap ummi vialte an chek dih” tiah a chim. Asinain bomb a puakmi nih zeitiang dah a hrawh ti bel theih khawh a si lo.Source: Khet Thit Media
Leave a Reply