Pakokko Peng Myitchay Ah SAC Ralkap Doh An Tong 7 An Thi, 3 Tlaih An Tong. Magway ramṭhen, Pakokko peng Myitchay saṭilzuatnak ah umhmun khuarmi SAC ralkap hna cu February ni 11, zinglei ah kahdoh an ton caah ralbawi 2 telh in 7 an thi, minung 3 cu kan tlaih hna tiah Myaing PDF ṭuanvo ngeitu Bu Cross nih a chim.
SAC ralkap umnak sakhan luhhnawh in kahdohnak hi suimilam 3 hrawng kan rau i, sakhan zeimawzat kan khangh hnu ah ṭatkyatkyi pakhat le ralkap 2 tiin minung 3 kan tlaih hna tiah a chim.Saṭilzuatnak hmun a ummi SAC ralkap hna hi doh kan timhnak a rau pah cang,
Atu lawng ah kan cawlcang kho, cuka hmun i a ummi inn zong tam deuh cu kan khangh khawh” tiah a chim.Cu kahdohnak ah cun bukyi pakhat, bulay pakhat le ralkap 5 an thi, SAC ralkap lei nih vanlawng hmang in ka a bawmh hna tiah a chim chap.PDF lei hliamhma tuarnak um loin hnu kan tolh kho,
SAC ralkap lei minung 3 kan tlaih hna pin ah meithal 3 le zei dang hriamthil zeimawzat kan laak khawh tiah Myaing PDF ṭuanvo ngeitu Bu Cross nih cun a chim.SAC ralkap hna cu Myaing leng Earthquake People Defence Force, MC KC Myitchay tualchung hriamtlai phu le Drone phufonh nih an doh hna tiah theih a si. TCP
Relchap.Myanmar Ram Pumpi Huap Ralzaam Dirhmun Phan Mi Sing 15 Leng An Phan. Myanmar ram pumpi huap mah umnak hmun kaltak in ralzaam dirhmun a phanmi hi sing 15 leng an si cang tiah UNOCHA nih cathanh a chuah.Cu chung ah minung sing 12 hi 2021 February 1 in SAC nih hramhram uknak a laak hnu rambuainak ruang ah mah umnak hmunhma a him ti lo caah a zaammi an si.
Myanmar ram ni chuah thlanglei ah mah umnak hmun kaltak in ralzaam dirhmun a phanmi hi sing 361,000 tiang an karh cang tiah UNOCHA nih cun a langhter. A luancia zarh chung Myanmar ram nichuah thlanglei ah vanlawng hmang in le hriamngan hmang in SAC ralkap nih kahdohnak fak ngaiin an tuah caah tualchungmi nunnak liam le hliamhma zong an um tiah an langhter chih.
2022, December thla dih thawk in SAC ralkap le KNLA kar kahdohnak a fah caah Karen ramkulh chung humhimnak caah thinphang in an um tiah theih a si.Kahdohnak ruang ah khua 20 in tualchung mi 17,000 hrawng cu mah umnak hmun kaltak in Thailand-Myanmar ramri ramlak ah an i dor hna.Ramlak ah aa dormi hna caah eiding, umnak cungcih le sii-ai cu a rannak in bawmhchanh an herh tiah UNOCHA nih a thanhmi ah a langhter chih.
Leave a Reply