RAMPI HUAP RALZAM DIRHMUN A PHAN MI ZAT AN LANGHTER CANG


Myanmar Ram Pumpi Huap Ralzaam Dirhmun Phan Mi Sing 15 Leng An Phan. Myanmar ram pumpi huap mah umnak hmun kaltak in ralzaam dirhmun a phanmi hi sing 15 leng an si cang tiah UNOCHA nih cathanh a chuah.Cu chung ah minung sing 12 hi 2021 February 1 in SAC nih hramhram uknak a laak hnu rambuainak ruang ah mah umnak hmunhma a him ti lo caah a zaammi an si.

Myanmar ram ni chuah thlanglei ah mah umnak hmun kaltak in ralzaam dirhmun a phanmi hi sing 361,000 tiang an karh cang tiah UNOCHA nih cun a langhter. A luancia zarh chung Myanmar ram nichuah thlanglei ah vanlawng hmang in le hriamngan hmang in SAC ralkap nih kahdohnak fak ngaiin an tuah caah tualchungmi nunnak liam le hliamhma zong an um tiah an langhter chih.

2022, December thla dih thawk in SAC ralkap le KNLA kar kahdohnak a fah caah Karen ramkulh chung humhimnak caah thinphang in an um tiah theih a si.Kahdohnak ruang ah khua 20 in tualchung mi 17,000 hrawng cu mah umnak hmun kaltak in Thailand-Myanmar ramri ramlak ah an i dor hna.

Ramlak ah aa dormi hna caah eiding, umnak cungcih le sii-ai cu a rannak in bawmhchanh an herh tiah UNOCHA nih a thanhmi ah a langhter chih. Khit Thit Media

Relchap. SAC Ralkap Le MDY-PDF Kar Suimilam 6 Chung Kahdohnak Ah SAC Ralkap 25 An Thi, PDF Lei 2 Nunnak Liam. Shan ramkulh chaklei Naungcho peng ah SAC ralkap le tualchung hriamtlai phu kar suimilam 6 chung kahdohnak a chuak.

Cu kahdohnak ah cun SAC ralkap 25 an thi, tualchung hriamtlai phu lei in minung 2 an nunnak a liam tiah Mandalay-PDF nih cathanh a chuah.February ni 10, zinglei suimilam 6:00AM hrawng ah kaphnih kar fak ngaiin kahdohnak a chuak tiah MDY-PDF nih a thanh.

Tanglei kahdohnak lawng si loin SAC nih Mi 35 le Jet Fighter hmang in voi 3 tiang kahdohnak a tuah tiah theih a si.MDY-PDF lei cu SAC ralkap nih minung thazaang le hriam thazaang i thlau tuk in a kahdoh nain, PDF lei nih áš­ha tein kahdohnak a tuah khawh leng ah hriamthil tampi zong a laak khawh tiah theih a si.

Kaphnih kar i kahdohnak ah SAC ralkap lei mithmuh ah a thimi 25 an si tiah fehter a si i hliamhma tuarmi an tam, kaphnih i dohnak hi suimilam 6 leng an rau. MDY-PDF lei in ralkap Sit Naing (private number P1-1202-088) le ralkap Pho Wa(private number P1-1202-159) cu an nunnak a liam tiah MDY-PDF nih cun a langhter. People Spring (TCP)

Credit- This post First appeared on this Source Link

Be the first to comment

Leave a Reply

Your email address will not be published.


*