KA NAU PA HLUN NA THAWNGTHEIH IN ZAAN KHUA KA DEI E

Ka nau Pa Hlun @Sang Hlun Thang, mi nunnem, mifel, ziattha, cathiam le miphun dawtu paral ttha na si.Zahan na thawng theih in zaan khuadei, hngilh kho loin kan hngah ve ko ttung! Na van i hne kho bak ti lo maw? Na kal tuan tuk hme cu

Na miphun le na rianttuan hawi Pasal/Nusal ttha nih na tumtah mi kan Miphun luatnak cu kan van peh zulh ko lai. Thadam tein rak kal chung ko ne mu. Tantaakmi chungkhar le a rianttuan hawi vialte hna, kan Biak Pathian tu nih nan ngaihchiatnak lonh in inhnem hram ko hna seh. Rest In Power! Our Hero. Credit: Unity Ham

Thawngpang dang. SAC Ralkap Nih Falam Khuachung Ah Zalong Tein Pumh Khawhnak Nawl An Onh Ti Lo. Chin ramkulh, Falam khuachung ah SAC ralkap nih zalong tein pumh khawhnak nawl an onh ti lo, tiah theih a si.SAC nih a luancia February ni 10 zanlei ah Falam ah zalong tein pumh ti lo ding in ca an kan pek.

Zarhpi zing pumh nan duh ahcun a hlankan in cawnnikhat ni ah GAD zung ah ca nan ṭial lai, cu hnu lawng ah nan i pum kho lai an kan ti, tiah Falam khua um Pastor pakhat nih The Chin Post ah a chim.February ni 10 ah SAC nih ca an kan pek hnu in February ni 11(zarhte) ah Falam Christain Minister Fellowship(FCMF) meeting kan ngei i rianrang in ca kan ṭial hnu ah kan i pumh khawhnak a si, tiah a chim.

February ni 12 zarhpi zing pumh khawhnak ding caah February ni 11 ah ca kan ṭial. Hi hnu ah cun cawnnikhat ni paoh ah GAD zung ah ca va chiah hnu ah ah zarhpi zing pumh khawh a si cang lai, tiah Pastor pakhat nih cun a chim.

Khrihfa mi hna kan ca ah cun a poi hringhran ko. Ca an chuahmi kan zulh lo a si ahcun zarhpi zing pumh lo kan si cang lai. Zarhpi zing pumh lo cu a si khawh ve lo caah cawnnikhat ni paoh ahcun GAD zung ah ca kan va chiah a hau ko,” tiah a chim chap.