THINPHANG SI CANG MIN AUNG HLAING NIH SER A TIMH TAKTAK CANG

Russia He I Bawm In Nuclear Hriamnam Kan Ser Lai :Zaw Min Htun.. SAC chimphuannak nawlngeitu Zaw Min Htun nih, Russia he i bawm in Nuclear hriamnam ser ding in kan i zuam cuahmah. Nuclear hriamnam sernak a hmunhma zong zohfelnak le chekhlatnak kan tuah, tiah a chim.

Min Aung Hlaing le Mr. Alexey Likhachev nih Nuclear hriamnam he aa pehtlaimi zung cu a luancia February ni 6 ah Yangon ah hunnak an ngei, tiah theih a si.Myanmar le Russia ram cu Nuclear hriamnam serchuah ti lo ding le hman lo ding in min sen kan thut cang. Asinain Nuclear cu daihnak in kan hman lai i Electric Power le cinthlaknak lei ṭhanchonak ah kan hman lai, tiah an chim.

SAC nih, Nuclear hriamnam serchuah kan i timhmi kongkau ah ṭha tein kherhhlainak kan tuah lai. Nuclear hriamnam sernak a hmunhma zong pawngkam a himnak hmun ah kan zoh lai, tiah an langhter.Hi thil tuah an timhmi hi a hlan tein an rak i ruahcia cangmi, an saduhthah le an chunmang kha a tak in ṭuanchuah an duh caah tuah an timhmi a si ko,” tiah ramkhel lei tuaktantu Than Soe Naing nih cun a chim.

Relchap. Waimaw Ah SAC Ralkap Deputy Battalion Commander Le A Kuttang Ralkap Cu KIA Nih An Tlaih Hna.Kachin ramkulh, Waimaw peng Sandung-Kanpaikṭi lam ah SAC ralkap Khah Lah Yah 389 in Deputy Battalion Commander le a kuttang ralkap pawl tlaih an tong, tiah KIA sin in theih a si.

February ni 13 zing suimilam 9:00AM hrawng ah SAC ralkap he suikhur a coṭimi hna cu SAC ralkap Khah Lah Yah 389 in Deputy Battalion Commander le a kuttang ralkap nih, an va ton hna i an kir lei ah KIA nih an tlaih hna, tiah theih a si.Khah Lah Yah 389 in Deputy Battalion Commander le a kuttang ralkap pawl cu,

KIA nih an tlaih hna hnu in a dang SAC ralkap nih rallam an sial ṭhan caah KIA nih an kah hna i a thimi le aa hliammi an um. Cu hnu ah SAC ralkap pawl cu hnu an kir ṭhan, tiah theih a si.Tlaih a tongmi Khah Lah Yah 389 in Deputy Battalion Commander le a kuttang ralkap pawl cu, civil motor pakhat in an kal i an tam ngai. An hriamnam he kan tlaih dih hna,” tiah KIA nih an langhter. TCP